ഷാരോൺ വധക്കേസ് ; കുറ്റക്കാരിയെന്ന് കണ്ടെത്തിയ ഗ്രീഷ്മയുടെ ശിക്ഷാവിധി ഇന്നുണ്ടാകില്ല

തിരുവനന്തപുരം: പാറശ്ശാല ഷാരോൺ വധക്കേസിൽ കുറ്റക്കാരിയെന്ന് കണ്ടെത്തിയ ഗ്രീഷ്മയുടെ ശിക്ഷാവിധി ഇന്നില്ല. ശിക്ഷാവിധിയിൽ ഇന്ന് വാദം നടക്കും. പിന്നീടാണ് ശിക്ഷാവിധി പ്രസ്താവിക്കുക. വാദിക്കും പ്രതിക്കും പറയാനുള്ള കാര്യം കോടതി ഇന്ന് കേൾക്കും.

അതേസമയം, ഇന്നലെയാണ് പാറശ്ശാല ഷാരോൺ വധക്കേസിൽ ഒന്നാം പ്രതി ഗ്രീഷ്മ കുറ്റക്കാരിയാണെന്ന് കോടതി കണ്ടെത്തിയത്. കൊലപാതകം, വിഷം നൽകൽ, തെളിവ് നശിപ്പിക്കൽ അടക്കം ഗ്രീഷ്മക്കെതിരെയുള്ള കുറ്റങ്ങൾ തെളിഞ്ഞു. മൂന്നാം പ്രതി അമ്മാവൻ തെളിവ് നശിപ്പിച്ചെന്ന് കോടതി കണ്ടെത്തി.