പാർട്ടി നിർദേശം തള്ളി പി.വി. അൻവർ ഇന്ന് മാധ്യമങ്ങളെ കാണും

തി​രു​വ​ന​ന്ത​പു​രം: പരസ്യപ്രസ്‍താവന പാടി​ല്ലെന്ന സി.പി.എം സംസ്ഥാന സെക്രട്ടറിയേറ്റിന്റെ നിർദേശം ലംഘിച്ച് പി.വി. അൻവർ എം.എൽ.എ. ഇന്ന് വൈകീട്ട് 4.30ന് മാധ്യമങ്ങളെ കാണു​മെന്ന് അൻവർ ഫേസ്ബുക്കിലൂടെ അറിയിച്ചു.

‘വിശ്വാസങ്ങൾക്കും വിധേയത്വത്തിനും താൽക്കാലികതയ്ക്കും അപ്പുറം ഓരോ മനുഷ്യനിലും ഉള്ള ഒന്നാണു ആത്മാഭിമാനം. അതിത്തിരി കൂടുതലുണ്ട്‌. "നീതിയില്ലെങ്കിൽ നീ തീയാവുക"എന്നാണല്ലോ.. ഇന്ന് വൈകിട്ട്‌ നാലരയ്ക്ക്‌ മാധ്യമങ്ങളെ കാണുന്നുണ്ട്‌’ -എന്നാണ് അൻവർ ഇന്ന് രാവിലെ ഫേസ്ബുക്കിൽ കുറിച്ചത്.

മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ൽ സെ​ക്ര​ട്ട​റി പി. ശ​ശി​ക്കെ​തി​രെ പി.​വി. അ​ൻ​വ​ർ ഉന്നയിച്ച ഗുരുതര ആരോപണങ്ങളൊന്നും സി.​പി.​എ​മ്മും സ​ർ​ക്കാ​റും മു​ഖ​വി​ല​യ്​​ക്കെ​ടു​ത്തിരുന്നി​ല്ല. താ​നു​മാ​യി ഉ​ട​ക്കി​യ എ.​ഡി.​ജി.​പി അ​ജി​ത്​​കു​മാ​റി​നെ സം​ര​ക്ഷി​ക്കു​ന്ന​തി​ൽ പ്ര​കോ​പി​ത​നാ​യാ​ണ്​ പി.​വി. അ​ൻ​വ​ർ, ശ​ശി​ക്കെ​തി​രെ തി​രി​ഞ്ഞ​ത്. ഗു​രു​ത​ര ആ​രോ​പ​ണ​ങ്ങ​ൾ പ​ര​സ്യ​മാ​യി ഉ​ന്ന​യി​ച്ച്​ മു​ഖ്യ​മ​ന്ത്രി​യെ​യും സ​ർ​ക്കാ​റി​നെ​യും പ്ര​തി​രോ​ധ​ത്തി​ലാ​ക്കി ജ​യി​ക്കാ​മെ​ന്നാ​യി​രു​ന്നു ആ​ദ്യ ക​ണ​ക്കു​കൂ​ട്ട​ൽ.

എന്നാൽ, പി​ണ​റാ​യി വി​ജ​യ​നു​​വേ​ണ്ടി ആ​ഭ്യ​ന്ത​ര വ​കു​പ്പ്​ അ​ട​ക്കി​ഭ​രി​ക്കു​ന്ന പൊ​ളി​റ്റി​ക്ക​ൽ സെ​ക്ര​ട്ട​റി​യെ വി​ല കു​റ​ച്ചു ക​ണ്ട​തി​ൽ അ​ൻ​വ​റി​ന്​ പാ​ളി. നി​ല​മ്പൂ​രി​ൽ ആ​ദ്യ​വെ​ടി പൊ​ട്ടി​ച്ച്​ കൂ​ടു​ത​ൽ വി​വ​ര​ങ്ങ​ൾ പ​റ​യു​മെ​ന്ന്​ മു​ന്ന​റി​യി​പ്പ്​ ന​ൽ​കി ത​ല​സ്ഥാ​ന​ത്ത്​ മു​ഖ്യ​മ​ന്ത്രി​യെ കാ​ണാ​നെ​ത്തു​മ്പോ​ൾ അ​ൻ​വ​റി​ന്​ സ​ർ​ക്കാ​റി​ൽ പ്ര​തീ​ക്ഷ ഏ​റെ​യാ​യി​രു​ന്നു. എ​ന്നാ​ൽ, അ​ഞ്ച്​ മി​നി​റ്റ്​​ മാ​ത്ര​മാ​ണ്​​ മു​ഖ്യ​മ​ന്ത്രി​യോ​ട്​ സം​സാ​രി​ക്കാ​ൻ പ​റ്റി​യ​ത്. ശ​ശി​യെ​യും അ​ജി​ത്​​കു​മാ​റി​നെ​യും കൈ​വി​ടി​ല്ലെ​ന്ന്​ അ​പ്പോ​ൾ പി​ണ​റാ​യി വി​ജ​യ​ൻ കൃ​ത്യ​മാ​യ സൂ​ച​ന ന​ൽ​കി. മു​ഖ്യ​മ​ന്ത്രി​യെ ക​ണ്ടി​റ​ങ്ങി​യ​തി​നു​ പി​ന്നാ​ലെ, പ​രാ​തി​യു​ടെ പ​ക​ർ​പ്പ്​ പാ​ർ​ട്ടി സെ​ക്ര​ട്ട​റി​ക്ക്​ ന​ൽ​കു​മെ​ന്ന്​ പ​റ​ഞ്ഞ​ത്​ അ​തു​കൊ​ണ്ടാ​ണ്.

പ​ക​ർ​പ്പ്​ ന​ൽ​കി​യ​പ്പോ​ൾ ശ​ശി​യു​ടെ ​പേ​രി​ല്ലെ​ന്ന്​ പ​റ​ഞ്ഞ്​ എം.​വി. ഗോ​വി​ന്ദ​ൻ ​കൈ​ക​ഴു​കി. ശ​ശി​യു​ടെ പേ​രെ​ഴു​തി പു​തി​യ പ​രാ​തി ന​ൽ​കു​ക മാ​ത്ര​മ​ല്ല, അ​ക്കാ​ര്യം പ​ര​സ്യ​പ്പെ​ടു​ത്തു​ക​യും ചെ​യ്ത അ​ൻ​വ​റി​ന്​ എ​ഴു​തിക്കി​ട്ടി​യാ​ൽ എ​ല്ലാം പ​രി​ശോ​ധി​ക്കാ​മെ​ന്ന പാ​ർ​ട്ടി ​​സെ​ക്ര​ട്ട​റി​യു​ടെ ഉ​റ​പ്പി​ലാ​യി​രു​ന്നു അ​വ​സാ​ന പ്ര​തീ​ക്ഷ. അ​തും അ​സ്ഥാ​ന​ത്താ​കു​​ന്ന​താ​ണ്​ ബു​ധ​നാ​ഴ്ച സെ​ക്ര​ട്ട​റി​യേ​റ്റ്​ യോ​ഗ​ത്തി​ൽ ക​ണ്ട​ത്. പി. ​ശ​ശി​ക്കെ​തി​രാ​യ അ​ൻ​വ​റി​ന്‍റെ പ​രാ​തി സെ​ക്ര​ട്ട​റി​യേ​റ്റ്​ യോ​ഗ​ത്തി​ൽ വാ​യി​ക്കു​ക പോ​ലു​മു​ണ്ടാ​യി​ല്ല.

പി. ​ശ​ശി​യു​ടേ​ത്​ മാ​തൃ​കാ​പ​ര​മാ​യ പ്ര​വ​ർ​ത്ത​ന​മെ​ന്ന്​ വാ​ർ​ത്ത​സ​മ്മേ​ള​നം വി​ളി​ച്ച്​ പ്ര​കീ​ർ​ത്തി​ച്ച പി​ണ​റാ​യി വി​ജ​യ​ന്‍റെ വാ​ക്കു​ക​ൾ ഏ​റ​ക്കു​റെ, അ​തു​പോ​ലെ എം.​വി. ഗോ​വി​ന്ദ​നും മാ​ധ്യ​മ​ങ്ങ​ൾ​ക്കു മു​ന്നി​ൽ ഏ​റ്റു​പാ​ടി. പി​ന്നാ​​ലെ അ​ൻ​വ​ർ നാ​വ​ട​ക്ക​ണ​മെ​ന്ന മു​ന്ന​റി​യി​പ്പു​മെ​ത്തി.