കെ എസ് ഹരിഹരനെതിരെ കേസെടുത്ത് പൊലീസ്; നടപടി കെ കെ ശൈലജയ്ക്കെതിരായ സ്ത്രീ വിരുദ്ധ പരാമര്ശത്തില്
May 13, 2024, 05:59 IST
![hariharan](https://keralaonlinenews.com/static/c1e/client/94744/uploaded/8797ddb2b2d4decac74e685ce2b1bb67.jpg?width=823&height=431&resizemode=4)
കെ കെ ശൈലജയ്ക്കെതിരായ സ്ത്രീ വിരുദ്ധ പരാമര്ശത്തില് കെ എസ് ഹരിഹരനെതിരെ പൊലീസ് കേസെടുത്തു. വടകര പൊലീസാണ് കേസെടുത്തത്. സ്ത്രീത്വത്തെ അപമാനിക്കല്, കലാപശ്രമം തുടങ്ങിയ വകുപ്പുകള് പ്രകാരമാണ് കേസെടുത്തിരിക്കുന്നത്. മഹിള അസോസിയേഷന് നേതാവ് പുഷ്പദ നല്കിയ പരാതിയിലാണ് കേസ്.
വടകരയില് സിപിഐഎം വര്ഗീയതക്കെതിരെ യുഡിഎഫ് ആര്എംപി സംഘടിപ്പിച്ച പരിപാടിയിലായിരുന്നു ഹരിഹരന്റെ പരാമര്ശം. 'ടീച്ചറുടെ പോണ് വീഡിയോ ആരെങ്കിലും ഉണ്ടാക്കുമോ?, മഞ്ജു വാര്യരുടെ പോണ് വീഡിയോ ഉണ്ടാക്കിയെന്ന് പറഞ്ഞാല് മനസ്സിലാകും'; എന്നായിരുന്നു ഹരിഹരന്റെ പരാമര്ശം.
സംഭവത്തില് കെ കെ ശൈലജയോടും നടി മഞ്ജു വാര്യരോടും ഹരിഹരന് മാപ്പ് പറഞ്ഞിരുന്നു.