പ്ലസ് ടു ഇംപ്രൂവ്മെന്റ് പരീക്ഷ ജൂണിൽ
![exam](https://keralaonlinenews.com/static/c1e/client/94744/uploaded/82bc155614f0bf580374b849f400e3a7.jpg?width=823&height=431&resizemode=4)
തിരുവനന്തപുരം: കേരള ബോർഡ് ഹയർ സെക്കൻഡറി സേ/ഇംപ്രൂവ്മെന്റ് പരീക്ഷയുടെ തിയതി നേരത്തെ പ്രഖ്യാപിച്ചിരുന്നു. ജൂൺ 12 മുതൽ 20 വരെയാണ് പരീക്ഷകൾ നടത്തുന്നത്. പരീക്ഷാ ടൈംടേബിളും പുറത്തുവിട്ടിരിക്കുകയാണിപ്പോൾ. ഒന്നോ അതിലധികമോ വിഷയങ്ങളിൽ പരാജയപ്പെട്ട വിദ്യാർത്ഥികൾക്കായി കേരള ബോർഡ് നടത്തുന്ന സേവ് എ ഇയർ പരീക്ഷയാണിത്. കൂടാതെ ഏതെങ്കിലും വിഷയത്തിൽ മാർക്ക് കുറഞ്ഞ വിദ്യാർത്ഥികൾക്ക് വീണ്ടും പരീക്ഷയെഴുതി മാർക്ക് മെച്ചപ്പെടുത്താൻ സാധിക്കുന്നതാണ് ഇംപ്രൂവ്മെന്റ് പരീക്ഷയിലൂടെ.
വിദ്യാർത്ഥികൾ ഫോം പൂരിപ്പിച്ച ശേഷം ഫീസടച്ച് പരീക്ഷയ്ക്ക് വേണ്ടി അപേക്ഷിക്കേണ്ടതാണ്. ഈ വർഷം 4,41,120 വിദ്യാർത്ഥികളാണ് കേരളത്തിൽ പ്ലസ് ടു പരീക്ഷ എഴുതിയത്. ഇതിൽ 2,17,384 പെൺകുട്ടികളും 2,23,736 ആൺകുട്ടികളുമാണുള്ളത്. 2,94,888 പേർ പരീക്ഷയിൽ വിജയിച്ചു. അതേസമയം 2023ൽ 82.95 ആയിരുന്നു വിജയശതമാനം. എന്നാൽ ഇക്കുറി അത് 78.69 ആയി കുറഞ്ഞു.
![](https://keralaonlinenews.com/static/c1e/static/themes/11/94744/4170/images/new-shopprix-ad.jpg)
ടൈംടേബിൾ
രാവിലെയും ഉച്ചകഴിഞ്ഞുമായി പരീക്ഷകൾ നടത്തും.
ജൂൺ 12
രാവിലെ - പാർട്ട് 2 ലാഗ്വേജെസ്, കംപ്യൂട്ടർ സയൻസ്, ഇൻഫർമേഷൻ ടെക്നോളജി
ഉച്ചയ്ക്ക് - കെമിസ്ട്രി, ഹിസ്റ്ററി, ഇസ്ലാമിക് ഹിസ്റ്ററി & കൾച്ചർ, ബിസിനസ് സ്റ്റഡീസ്, കമ്മ്യൂണിക്കേറ്റീവ് ഇംഗ്ലീഷ്
ജൂൺ 13
രാവിലെ - പാർട്ട് 1 ഇംഗ്ലീഷ്
ഉച്ചയ്ക്ക് - ജിയോഗ്രഫി, മ്യൂസിക്, സോഷ്യൽ വർക്ക്, ജിയോളജി, അക്കൗണ്ടൻസി
ജൂൺ 14
രാവിലെ - കണക്ക്, പാർട്ട് 3 ലാഗ്വേജസ്, സംസ്കൃത ശാസ്ത്ര, സൈക്കോളജി
ഉച്ചയ്ക്ക് - ഹോം സയൻസ്, ഗാന്ധിയൻ സ്റ്റഡീസ്, ഫിലോസഫി, ജേർണലിസം, കംപ്യൂട്ടർ സയൻസ്, സ്റ്റാറ്റിസ്റ്റിക്സ്
ജൂൺ 19
രാവിലെ - ഫിസിക്സ്, സോഷ്യോളജി, ആന്ത്രോപോളജി
ഉച്ചയ്ക്ക് - ഇക്കണോമിക്സ്, ഇലക്ട്രോണിക് സിസ്റ്റംസ്
ജൂൺ 20
രാവിലെ - ബയോളജി, ഇലക്ട്രോണിക്സ്, പൊളിറ്റിക്കൽ സയൻസ്, സംസ്കൃത സാഹിത്യ, കംപ്യൂട്ടർ ആപ്ലിക്കേഷൻ, ഇംഗ്ലീഷ് ലിറ്ററച്ചർ