ചുട്ടുപൊള്ളി പാലക്കാട്
![hot](https://keralaonlinenews.com/static/c1e/client/94744/uploaded/e02cc42bf59b6de9264abde0518055ff.jpg?width=823&height=431&resizemode=4)
![hot](https://keralaonlinenews.com/static/c1e/client/94744/uploaded/e02cc42bf59b6de9264abde0518055ff.jpg?width=382&height=200&resizemode=4)
പാലക്കാട്: വേനലിൽ ചുട്ടുപൊള്ളി പാലക്കാട് .ചൂടിന്റെ തീവ്രത വർധിച്ചത് വലിയ ആശങ്കയിലേക്കാണ് നയിച്ചിരിക്കുന്നത് . ഫെബ്രുവരി ആദ്യആഴ്ചയിൽ ഉയർന്ന ചൂട് രേഖപ്പെടുത്തിയത് പാലക്കാട്ടായിരുന്നു 40.6 ഡിഗ്രി സെൽഷ്യസ്. മലമ്പുഴ ഡാം 39.2, മങ്കര 38.9, ഒറ്റപ്പാലം 38.7 ഡിഗ്രി സെൽഷ്യസ് ചൂടും അനുഭവപ്പെട്ടു.
എരിമയൂരിൽ 40 ഡിഗ്രി സെൽഷ്യസ് വരെ ഉയർന്നതായി റിപ്പോർട്ട് ചെയ്തെങ്കിലും ഔദ്യോഗിക സ്ഥിരീകരണമില്ല. കാറ്റിന്റെ ദിശയനുസരിച്ച് കൂടിയ ഉഷ്ണം പിന്നീട് മറ്റ് ജില്ലകളിലേക്ക് മാറിയെന്നത് തെല്ല് ആശ്വാസമാണെങ്കിലും ജലക്ഷാമം, വരൾച്ച, വിളനാശം എന്നിവയുടെ ഭീഷണി നിലനിൽകുന്നു.
രണ്ടുവർഷമായി വേനലിൽ ഉഷ്ണത്തിന്റെ തോതിൽ വർധനയുണ്ട്. ആഗോളതല അന്തരീക്ഷ മാറ്റത്തിനൊപ്പം പ്രാദേശിക ഘടകങ്ങളും ഇതിന് കാരണമാണ്. കേന്ദ്ര കാലാവസ്ഥ നിരീക്ഷണകേന്ദ്രം സംസ്ഥാനത്ത് സ്ഥാപിച്ച ഓട്ടോമാറ്റിക് വെതർ സ്റ്റേഷനുകളിൽനിന്നുള്ള ഡാറ്റകൾ ലഭ്യമായി തുടങ്ങിയെങ്കിലും, തുടക്കത്തിലുള സാങ്കേതിക പ്രശ്നങ്ങൾ കണക്കുകളെ ബാധിക്കുന്നെന്നാണ് പരാതി. ചിലതിൽ ഡാറ്റകൾ കൃത്യമല്ല.
![](https://keralaonlinenews.com/static/c1e/static/themes/11/94744/4170/images/E-PLANET-ROAYAL-AND-DINESH-AD--1-.webp)
താരതമ്യം ചെയ്യാൻ കഴിഞ്ഞതവണ ഈ പ്രദേശങ്ങളിൽ അനുഭവിച്ച ഉഷ്ണത്തിന്റെ അളവും ലഭ്യമല്ല വെതർ സ്റ്റേഷനില്ലാത്ത സ്ഥലങ്ങളിൽ ഇതിൽ കൂടുതൽ ചൂട് അനുഭവപ്പെടുന്നുണ്ടാകുമെന്ന് കാലാവസ്ഥ ഗവേഷകർ നിരീക്ഷിക്കുന്നു