നിപ വൈറസ് ; സ​മ്പ​ർ​ക്ക​പ​ട്ടി​ക​യി​ൽ 12 പാ​ല​ക്കാ​ട്ടു​കാ​ർ

പാ​ല​ക്കാ​ട് : മ​ല​പ്പു​റ​ത്ത് നി​പ സ്ഥി​രീ​ക​രി​ച്ച് 14 വ​യ​സ്സു​കാ​ര​ൻ മ​രി​ച്ച സാ​ഹ​ച​ര്യ​ത്തി​ൽ കു​ട്ടി​യു​ടെ പ്രാ​ഥ​മി​ക, ദ്വി​തീ​യ സ​മ്പ​ർ​ക്ക​പ​ട്ടി​ക​യി​ൽ ഉ​ൾ​പ്പെ​ട്ട പാലക്കാട് ജി​ല്ല​യി​ലെ 12 പേ​ർ നി​രീ​ക്ഷ​ണ​ത്തി​ൽ. ഇ​വ​ർ ഐ​സ​ലേ​ഷ​നി​ലാ​ണ്. മ​ല​പ്പു​റം ജി​ല്ല​യോ​ട് ചേ​ർ​ന്നു​കി​ട​ക്കു​ന്ന ത​ദ്ദേ​ശ​സ്ഥാ​പ​ന​ങ്ങ​ളി​ൽ ജാ​ഗ്ര​ത​യും ബോ​ധ​വ​ത്ക​ര​ണ​വും ശ​ക്ത​മാ​ക്കി​യി​ട്ടു​ണ്ട്.

നി​രീ​ക്ഷ​ണ​ത്തി​ലു​ള്ള​വ​രെ രാ​വി​ലെ​യും വൈ​കീ​ട്ടും ആ​രോ​ഗ്യ പ്ര​വ​ർ​ത്ത​ക​ർ ഫോ​ണി​ലൂ​ടെ ബ​ന്ധ​പ്പെ​ട്ട് വി​വ​ര​ങ്ങ​ൾ അ​ന്വേ​ഷി​ക്ക​ണ​മെ​ന്ന് തി​ങ്ക​ളാ​ഴ്ച ചേ​ർ​ന്ന ജി​ല്ല​ത​ല കോ​ർ ക​മ്മി​റ്റി യോ​ഗം നി​ർ​ദേ​ശി​ച്ചു. ജി​ല്ല​യി​ൽ നി​ല​വി​ൽ ആ​ശ​ങ്ക​പ്പെ​ടേ​ണ്ട സാ​ഹ​ച​ര്യ​മി​ല്ലെ​ന്ന് ആ​രോ​ഗ്യ വ​കു​പ്പ് അ​ധി​കൃ​ത​ർ അ​റി​യി​ച്ചു.

സം​സ്ഥാ​ന​ത്താ​കെ 350 പേ​രാ​ണ് കു​ട്ടി​യു​ടെ സ​മ്പ​ർ​ക്ക​പ​ട്ടി​ക​യി​ലു​ള്ള​ത്. ഇ​തി​ൽ 68 ആ​രോ​ഗ്യ പ്ര​വ​ർ​ത്ത​ക​രു​ണ്ട്. 101 പേ​ർ ഹൈ ​റി​സ്‌​ക്ക് കാ​റ്റ​ഗ​റി​യി​ലാ​ണ്. മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ലും ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ നി​രീ​ക്ഷ​ണം ശ​ക്ത​മാ​ക്കി​യി​ട്ടു​ണ്ട്.

കേ​ര​ള​ത്തി​ൽ നി​പ സ്ഥി​രീ​ക​രി​ച്ച​തോ​ടെ സം​സ്ഥാ​ന അ​തി​ർ​ത്തി​ക​ളി​ൽ ത​മി​ഴ്നാ​ട് പ​രി​ശോ​ധ​ന ശ​ക്ത​മാ​ക്കി. വാ​ള​യാ​ർ, വേ​ല​ന്താ​വ​ളം, മീ​നാ​ക്ഷി​പു​രം ഉ​ൾ​പ്പെ​ടെ 11 ചെ​ക്ക്പോ​സ്റ്റു​ക​ളി​ലാ​ണ് ത​മി​ഴ്നാ​ട് ആ​രോ​ഗ്യ വ​കു​പ്പ് നി​രീ​ക്ഷ​ണ​വും പ​രി​ശോ​ധ​ന​യും ശ​ക്ത​മാ​ക്കി​യ​ത്.

കേ​ര​ള​ത്തി​ൽ​നി​ന്ന് ഇ​രു​ച​ക്ര​വാ​ഹ​ന​ങ്ങ​ളി​ലും കാ​റി​ലും ബ​സി​ലും വ​രു​ന്ന യാ​ത്ര​ക്കാ​രെ പൂ​ർ​ണ​മാ​യി പ​രി​ശോ​ധി​ച്ചാ​ണ് അ​തി​ർ​ത്തി ക​ട​ത്തി​വി​ടു​ന്ന​ത്. തെ​ർ​മ​ൽ സ്കാ​ന​ർ ഉ​പ​യോ​ഗി​ച്ച് യാ​ത്ര​ക്കാ​രു​ടെ പ​നി പ​രി​ശോ​ധി​ക്കാ​നും ല​ക്ഷ​ണ​ങ്ങ​ൾ ക​ണ്ടാ​ൽ 108 ആം​ബു​ല​ൻ​സി​ൽ കോ​യ​മ്പ​ത്തൂ​ർ സ​ർ​ക്കാ​ർ ആ​ശു​പ​ത്രി​യി​ലെ​ത്തി​ച്ച് സാ​മ്പി​ളു​ക​ൾ ശേ​ഖ​രി​ച്ച് രോ​ഗ​ബാ​ധ​യു​ണ്ടോ എ​ന്ന​റി​യാ​നു​മു​ള്ള പ​രി​ശോ​ധ​ന​യും ക്ര​മീ​ക​രി​ച്ചി​ട്ടു​ണ്ട്.

ഡോ​ക്‌​ട​ർ​മാ​ർ, ന​ഴ്‌​സു​മാ​ർ, ഹെ​ൽ​ത്ത് ഇ​ൻ​സ്‌​പെ​ക്‌​ട​ർ​മാ​ർ എ​ന്നി​വ​രു​ൾ​പ്പെ​ടെ ആ​റും എ​ട്ടും പേ​ര​ട​ങ്ങു​ന്ന സം​ഘ​മാ​ണ് ഓ​രോ ചെ​ക്ക്പോ​സ്റ്റി​ലും നി​രീ​ക്ഷ​ണ​ത്തി​ൽ ഏ​ർ​പ്പെ​ട്ടി​രി​ക്കു​ന്ന​ത്. ഇ​നി​യൊ​രു അ​റി​യി​പ്പ് ഉ​ണ്ടാ​കു​ന്ന​ത് വ​രെ പ​രി​ശോ​ധ​ന തു​ട​രു​മെ​ന്ന് ആ​രോ​ഗ്യ വ​കു​പ്പ് അ​ധി​കൃ​ത​ർ അ​റി​യി​ച്ചു. കോ​യ​മ്പ​ത്തൂ​രി​ന്‍റെ​യും കേ​ര​ള​ത്തി​ന്‍റെ​യും അ​തി​ർ​ത്തി ഗ്രാ​മ​ങ്ങ​ളി​ലും ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ നി​രീ​ക്ഷ​ണം ശ​ക്ത​മാ​ക്കി​യി​ട്ടു​ണ്ട്.