സം​ഗീത സംവിധായകൻ മോഹൻ സിത്താര ബിജെപിയിൽ ചേര്‍ന്നു

തൃശൂർ: സം​ഗീത സംവിധായകൻ മോഹൻ സിത്താര ബിജെപിയിൽ ചേര്‍ന്നു . തൃശൂർ ബിജെപി ജില്ലാ നേതൃത്വമാണ് മെമ്പർഷിപ്പ് കാമ്പെയിന് തുടക്കമിട്ട് മോ​ഹൻ സിതാരയ്‌ക്ക് അം​ഗത്വം നൽകിയത്.

ജില്ലാ പ്രസിഡന്റ് അഡ്വ. കെകെ അനീഷ് കുമാറാണ് സം​ഗീത സംവിധായകനെ ഷാൾ അണിയിച്ച് പാർട്ടിയിലേക്ക് സ്വീരകരിച്ചത്. രാജ്യത്തൊട്ടാകെ ബിജെപിയുടെ മെമ്പർഷിപ്പ് കാമ്പെയിന് ഇന്ന് തുടക്കമായിരുന്നു. പ്രധാനമന്ത്രി നരേന്ദ്ര മോദിയാണ് ദേശീയ തലത്തിൽ ഉദ്ഘാടനം നിർവഹിച്ചത്.

1986 ൽ “ഒന്നു മുതൽ പൂജ്യം വരെ” എന്ന ചിത്രത്തിലൂടെയാണ്‌ സംഗീതസം‌വിധയകനായി മോഹൻ സിത്താര അരങ്ങേറിയത്. രാരീ രാരീരം രാരോ എന്നു തുടങ്ങുന്ന ഈ ചിത്രത്തിലെ ഗാനം വൻ ഹിറ്റായി. 1989 ൽ കമല ഹാസൻ അഭിനയിച്ച ചാണക്യൻ എന്ന ഹിറ്റു ചിത്രത്തിലും മോഹൻ സിതാരയാണ്‌ സംഗീതം പകർന്നത്.