മുതലപ്പൊഴിയിൽ വീണ്ടും വള്ളംമറിഞ്ഞു ; രണ്ടുപേർക്ക് പരിക്ക്
![The boat capsized again in Mudalpozhi](https://keralaonlinenews.com/static/c1e/client/94744/uploaded/a980f5f895a2a66c383fbaa30b2e5cf2.jpg?width=823&height=431&resizemode=4)
![The boat capsized again in Mudalpozhi](https://keralaonlinenews.com/static/c1e/client/94744/uploaded/a980f5f895a2a66c383fbaa30b2e5cf2.jpg?width=382&height=200&resizemode=4)
മുതലപ്പൊഴിയിൽ ശക്തമായ തിരമാലയിൽപ്പെട്ട് വീണ്ടും വള്ളം മറിഞ്ഞ് രണ്ടുപേർക്ക് പരിക്ക്. ഒരാൾ കടലിലേക്ക് തെറിച്ച് വീണു.തെറിച്ച് വീണ മത്സ്യത്തൊഴിലാളിയുടെ തലയ്ക്ക് പരിക്കേറ്റു.
ഇന്ന് ഉണ്ടായ രണ്ടാമത്തെ അപകടം ആണിത്. ഇന്ന് രാവിലെ 6:45 ഓടെ അപകടം നടന്നിരുന്നു. അഞ്ച് തൊഴിലാളികളെ രക്ഷപ്പെടുത്തി. മറിഞ്ഞ വള്ളം കടലിലേക്ക് ഒഴുകി പോയി. അഞ്ചുതെങ്ങ് സ്വദേശിയുടെ വള്ളമാണ് മറിഞ്ഞത്.
അതേസമയം കടൽക്ഷോഭത്തിൽ തിരുവനന്തപുരത്തെ തീരപ്രദേശങ്ങൾ വെള്ളത്തിനടിയിലായി . പൊഴിയൂർ, പൂവാർ, കരുംകുളം, പുല്ലുവിള, അടിമലത്തുറ മേഖലയിലെ ഇരുന്നൂറിൽപ്പരം കുടുംബങ്ങളെയാണ് കടലാക്രമണം ബാധിച്ചത്. കഴിഞ്ഞ ദിവസം ഉച്ചയോടെയാണ് കടൽ കരയിലേക്ക് കയറാൻ തുടങ്ങിയത്. ഇവിടങ്ങളിൽ ആൾക്കാരെ മാറ്റിപ്പാർപ്പിച്ചു. വെള്ളം കയറാൻ സാധ്യതയുള്ള ഇടങ്ങളിൽ നിന്ന് ആളുകളെ മാറ്റാനുള്ള ക്രമീകരണമൊരുക്കിയതിനാൽ വലിയ അപകടം ഒഴിവായി.