യാത്രക്കാരുടെ കാത്തിരിപ്പിന് വിരാമം : മംഗലാപുരം-രാമേശ്വരം പ്രതിവാര ട്രെയിനിന് അനുമതി
Mar 18, 2024, 10:35 IST
പാലക്കാട് : യാത്രക്കാരുടെ ഏറെ നാളത്തെ കാത്തിരിപ്പിന് വിരാമമായി മംഗലാപുരം -രാമേശ്വരം (16622, 16621) പ്രതിവാര ട്രെയിനിന് റെയിൽവേ അനുമതി നൽകി. ശനിയാഴ്ച രാത്രി 7.30ന് മംഗലാപുരത്തുനിന്ന് പുറപ്പെടുന്ന ട്രെയിൻ പിറ്റേദിവസം 11.45ന് രാമേശ്വരത്തെത്തും.
ഞായറാഴ്ച ഉച്ചക്ക് രണ്ടിന് രാമേശ്വരത്തുനിന്ന് തിരിക്കുന്ന ട്രെയിൻ തിങ്കളാഴ്ച രാവിലെ 5.50ന് മംഗലാപുരത്തെത്തും. കാസർകോട്, കണ്ണൂർ, കോഴിക്കോട്, ഷൊർണൂർ, പാലക്കാട്, പൊള്ളാച്ചി, പഴനി, ഒട്ടംഛത്രം, ദിണ്ഡിഗൽ, മധുര, മാനാമധുര, രാമനാഥപുരം എന്നിവിടങ്ങളിൽ സ്റ്റോപ് അനുവദിച്ചിട്ടുണ്ട്.