കൊല്ലത്തെ എല്ഡിഎഫ് സ്ഥാനാര്ത്ഥി എം മുകേഷ് നാമനിര്ദേശ പത്രിക സമർപ്പിച്ചു
Mar 28, 2024, 14:16 IST
![mukesh pathrika](https://keralaonlinenews.com/static/c1e/client/94744/uploaded/1bd7b84562d58fa7e48c506da2eb3eb8.jpg?width=823&height=431&resizemode=4)
![mukesh pathrika](https://keralaonlinenews.com/static/c1e/client/94744/uploaded/1bd7b84562d58fa7e48c506da2eb3eb8.jpg?width=382&height=200&resizemode=4)
ലോക്സഭ തെരഞ്ഞെടുപ്പിനായി സംസ്ഥാനത്ത് സ്ഥാനാര്ത്ഥികളുടെ നാമനിര്ദേശ പത്രിക സമര്പ്പണം ആരംഭിച്ചു. സംസ്ഥാനത്തെ ആദ്യ നാമനിർദ്ദേശ പത്രിക കൊല്ലത്തെ എൽ ഡി എഫ് സ്ഥാനാർത്ഥി എം മുകേഷ് സമർപ്പിച്ചു. രാവിലെ 11.30നാണ് കൊല്ലം ജില്ലാ വരണാധികാരിക്ക് മുമ്പാകെ എത്തി മുകേഷ് പത്രിക കൈമാറിയത്.
11ന് ഹൈസ്കൂൾ ജംഗ്ഷനിലുള്ള സിഐടിയു ഓഫീസിൽ നിന്ന് മുന്നണി നേതാക്കൾക്കും പ്രവർത്തകർക്കുമൊപ്പമാണ് മുകേഷ് നാമനിർദ്ദേശപത്രിക സമർപ്പിക്കാൻ പുറപ്പെട്ടത്. മൽസ്യത്തൊഴിലാളികളാണ് കെട്ടിവയ്ക്കാനുള്ള തുക സ്ഥാനാർത്ഥിക്ക് കൈമാറിയത്.
മന്ത്രി കെ എന് ബാലഗോപാല്, മുന് മന്ത്രി കെ രാജു, സിപിഐ ജില്ലാ സെക്രട്ടറിയും എംഎല്എയുമായ പി എസ് സുപാല്, സിപിഎം നേതാവ് വരദരാജന് തുടങ്ങിയ നേതാക്കൾ ഒപ്പമുണ്ടായിരുന്നു.