കെ.ടി.സി.ടി ഹയർ സെക്കൻഡറി സ്കൂളിൽ ക്ലാസ്സെടുക്കാൻ ഇനി എ.ഐ അധ്യാപികയും
![ai teacher](https://keralaonlinenews.com/static/c1e/client/94744/uploaded/44d576f1a22d4c049c0f3b2654155d89.jpg?width=823&height=431&resizemode=4)
കല്ലമ്പലം: കെ.ടി.സി.ടി ഹയർ സെക്കൻഡറി സ്കൂളിൽ ഇനി ‘എ.ഐ അധ്യാപിക ഐറിസും ക്ലാസ്സിലേക്ക് ’. കടുവയിൽ കെ.ടി.സി.ടി ഹയർ സെക്കൻഡറി സ്കൂളും ഹൗ എൻ.വൈയും മേക്കർ ലാബും സംയുക്തമായി നിർമിച്ച എ.ഐ ടീച്ചർ ഐറിസ് പ്രവർത്തനസജ്ജമായി.
വിദ്യാർഥികൾക്ക് ആശയവിനിമയത്തിനും സംശയ ദൂരീകരണത്തിനും വേണ്ടിയാണ് എ.ഐ ടീച്ചർ രൂപകൽപന ചെയ്തത്. ഏത് കാര്യവും ഇംഗ്ലീഷിൽ എ.ഐ ടീച്ചറോട് ചോദിച്ചാൽ വൃക്തവും കൃത്യവുമായ മറുപടി ലഭിക്കും. മറുപടിക്ക് കാലതാമസവുമില്ല. ചോദ്യം പൂർണവും വ്യക്തവുമായിരിക്കണം.എ.ഐ ടീച്ചറിന്റെ ഉദ്ഘാടനം ഫ്യൂചർ സ്ക്രിപ്റ്റ് വി.എസ്.എസ്.സി സ്പേയ്സ് ഫിസിക്സ് ലബോറട്ടറി ഡയറക്ടർ ഡോ. കെ. രാജീവ് നിർവഹിച്ചു .