കരിക്കകത്ത് യുവാക്കളെ വെട്ടിപ്പരിക്കേൽപ്പിച്ച കേസിൽ മൂന്നുപേർകൂടി അറസ്റ്റിൽ
തിരുവനന്തപുരം : കരിക്കകത്ത് യുവാക്കളെ വെട്ടിപ്പരിക്കേൽപ്പിച്ച സംഭവത്തിൽ മൂന്നുപേർകൂടി അറസ്റ്റിൽ. ചാക്ക സ്വദേശികളായ ഉമേഷ് ബാബു (28), പ്രമോദ് (35) നിതിൻ രാജ് (25) എന്നിവരെയാണ് പേട്ട പൊലീസ് അറസ്റ്റ് ചെയ്തത്. സംഭവത്തിൽ രണ്ടുപേർ നേരേത്ത അറസ്റ്റിലായിരുന്നു.
കഴിഞ്ഞ കരിക്കകം ഉത്സവത്തിനിടയിലാണ് ഗാനമേള കേട്ടുകൊണ്ടിരുന്ന ജയദേവെനയും സുഹൃത്തുക്കളായ വിഷ്ണുദാസ്, വിനീത് എന്നിവരെയും ഉമേഷിന്റെ നേതൃത്വത്തിലുള്ള എട്ടംഗസംഘം വെട്ടിപ്പരിക്കേൽപ്പിച്ചത്.
വെട്ടുകത്തികൊണ്ട് ജയദേവന്റെ തലയിൽ വെട്ടുകയും വിഷ്ണുദാസ് വിനീത് എന്നിവരെ കല്ലുകൊണ്ട് ഇടിച്ചുപരിക്കേൽപ്പിക്കുകയായിരുന്നു. ഒളിവിലുള്ള മറ്റുപ്രതികൾക്കായി അന്വേഷണം പുരോഗമിക്കുകയാണ്.