നവവധുവിനെ ഭര്തൃഗൃഹത്തില് മര്ദ്ദിച്ച സംഭവത്തില് മനുഷ്യാവകാശ കമ്മീഷന് പൊലീസിനെതിരെ കേസെടുത്തു
![Police](https://keralaonlinenews.com/static/c1e/client/94744/uploaded/edd2cb543a90aed6f4ee5921268911d4.jpg?width=823&height=431&resizemode=4)
![Police](https://keralaonlinenews.com/static/c1e/client/94744/uploaded/edd2cb543a90aed6f4ee5921268911d4.jpg?width=382&height=200&resizemode=4)
പന്തീരാങ്കാവില് നവവധുവിനെ ഭര്തൃഗൃഹത്തില് മര്ദ്ദിച്ച സംഭവത്തില് മനുഷ്യാവകാശ കമ്മീഷന് പൊലീസിനെതിരെ കേസെടുത്തു. നവവധുവിന്റെ പരാതിയിലാണ് നടപടി. സംഭവത്തില് പരാതിപ്പെട്ടിട്ടും യഥാസമയം കേസെടുക്കാത്ത പന്തീരാങ്കാവ് പൊലീസിനെതിരെയാണ് മനുഷ്യാവകാശ കമ്മീഷന് കേസെടുത്തത്. ഇതില് കോഴിക്കോട് സിറ്റി പൊലീസ് കമ്മീഷണര് റിപ്പോര്ട്ട് സമര്പ്പിക്കണം. സംഭവം വിവാദമായതോടെ പൊലീസിനെരിരെ രൂക്ഷ വിമര്ശനം ഉയര്ന്നിരുന്നു. വിവാദമായതോടെയാണ് സംഭവത്തില് ഭര്ത്താവ് രാഹുലിനെതിരെ വധശ്രമത്തിന് പൊലീസ് കേസെടുത്തത്.
നേരത്തെ ഗാര്ഹിക പീഡനത്തിന് മാത്രമായിരുന്നു കേസെടുത്തിരുന്നത്. കേസെടുക്കാന് കോഴിക്കോട് പന്തീരാങ്കാവ് പൊലീസ് വൈകിയ സാഹചര്യം ഉള്പ്പെടെ ചൂണ്ടികാട്ടി മുഖ്യമന്ത്രിക്ക് പരാതി നല്കുമെന്ന് പെണ്കുട്ടിയുടെ കുടുംബം നേരത്തെ വ്യക്തമാക്കിയിരുന്നു. കോഴിക്കോട് സ്വദേശിയായ രാഹുല് മൊബൈല് ചാര്ജര് കേബിള് ഉപയോഗിച്ച് കഴുത്തുഞെരിച്ച് കൊലപ്പെടുത്താന് ശ്രമിച്ചെന്നായിരുന്നു യുവതിയുടെ പരാതി. രാഹുലിനെതിരെ വധശ്രമം ഉള്പ്പെടെയുള്ള വകുപ്പുകള് ചേര്ക്കണമെന്നും കുടുംബം ആവശ്യപ്പെട്ടിരുന്നു.