അവധിക്കാല തിരക്ക് ; ആഭ്യന്തര, അന്താരാഷ്ട്ര സർവിസുകൾ ഗണ്യമായി വർധിപ്പിക്കാൻ ഒരുങ്ങി എയര് ഇന്ത്യ എക്സ്പ്രസ്
![flight](https://keralaonlinenews.com/static/c1e/client/94744/uploaded/a0f44b89e7b38e64063f4575a7f2b973.jpg?width=823&height=431&resizemode=4)
അവധിക്കാല തിരക്ക് ; ആഭ്യന്തര, അന്താരാഷ്ട്ര സർവിസുകൾ ഗണ്യമായി വർധിപ്പിക്കാൻ ഒരുങ്ങി എയര് ഇന്ത്യ എക്സ്പ്രസ്
കൊച്ചി: വേനല്ക്കാലത്തെ തിരക്ക് പരിഗണിച്ച് എയർ ഇന്ത്യ എക്സ്പ്രസ് ആഭ്യന്തര, അന്താരാഷ്ട്ര സർവിസുകൾ ഗണ്യമായി വർധിപ്പിക്കുന്നു. അവധിക്കാല ഷെഡ്യൂളിെന്റ ഭാഗമായി വിവിധ ബിസിനസ്-വിനോദ സഞ്ചാര കേന്ദ്രങ്ങളിലേക്ക് പ്രതിദിനം 365ലധികം സർവിസാണ് ക്രമീകരിച്ചിരിക്കുന്നത്.
ഇതിൽ 259 ആഭ്യന്തര സർവിസുകളും 109 അന്താരാഷ്ട്ര സർവിസുകളും ഉൾപ്പെടുന്നു. കഴിഞ്ഞ വേനൽക്കാല ഷെഡ്യൂളിനെ അപേക്ഷിച്ച് പ്രതിദിനം 55 ആഭ്യന്തര സർവിസും 19 അന്താരാഷ്ട്ര സർവിസും കൂടുതലുണ്ട് -ആഭ്യന്തര സർവിസില് 25 ശതമാനത്തിന്റെയും അന്താരാഷ്ട്ര സർവിസില് 20 ശതമാനത്തിന്റെയും വര്ധന.
![](https://keralaonlinenews.com/static/c1e/static/themes/11/94744/4170/images/new-shopprix-ad.jpg)
അബൂദബി, ദമാം, ജിദ്ദ, ഷാർജ തുടങ്ങിയ അന്താരാഷ്ട്ര ലക്ഷ്യസ്ഥാനങ്ങളിലേക്ക് സർവിസുകൾ വർധിപ്പിക്കും. തിരുവനന്തപുരം, കൊച്ചി, കണ്ണൂര്, മംഗളൂരു, ബംഗളൂരു, ഹൈദരാബാദ്, കൊല്ക്കത്ത, അയോധ്യ, വാരണസി എന്നിവിടങ്ങളില്നിന്നുള്ള ആഭ്യന്തര, അന്തര്ദേശീയ സർവിസുകളുടെ എണ്ണം കൂടി വർധിപ്പിച്ച് വേനൽക്കാല തിരക്ക് നേരിടാനാണ് എയർലൈൻ ലക്ഷ്യമിടുന്നത്.