.jpg)
വയനാട് ഉരുള്പൊട്ടല്: ആരോഗ്യ വകുപ്പ് കണ്ട്രോള് റൂം തുറന്നു
Jul 30, 2024, 08:15 IST
വയനാട് ഉരുള്പൊട്ടല് ഉണ്ടായ സാഹചര്യത്തില് ആരോഗ്യ വകുപ്പ് ജില്ലാതല കണ്ട്രോള് റൂം പുലര്ച്ചെ തന്നെ തുറന്നതായി ആരോഗ്യ വകുപ്പ് മന്ത്രി വീണാ ജോര്ജ്. അടിയന്തര സാഹചര്യങ്ങളില് ആരോഗ്യ സേവനം ലഭ്യമാവാന് 8086010833, 9656938689 എന്നീ നമ്പറുകളില് ബന്ധപ്പെടാം. വൈത്തിരി, കല്പ്പറ്റ, മേപ്പാടി, മാനന്തവാടി ആശുപത്രികള് ഉള്പ്പെടെ എല്ലാ ആശുപത്രികളും സജ്ജമാണ്. രാത്രി തന്നെ എല്ലാ ആരോഗ്യ പ്രവര്ത്തകരും സേവനത്തിനായി എത്തിയിരുന്നു. കൂടുതല് ആരോഗ്യ പ്രവര്ത്തകരുടെ സംഘത്തെ വയനാട്ടില് വിന്യസിക്കും.
