ആദ്യഘട്ട വോട്ടെടുപ്പ് നടക്കുന്ന 102 ലോക്സഭാ മണ്ഡലങ്ങളിലെ നാമനിര്ദേശ പത്രികാ സമര്പ്പണം ഇന്ന് അവസാനിക്കും
Mar 27, 2024, 07:19 IST
![election](https://keralaonlinenews.com/static/c1e/client/94744/uploaded/9a3904e5a2b212a477b09beb32d14437.jpg?width=823&height=431&resizemode=4)
ആദ്യഘട്ട വോട്ടെടുപ്പ് നടക്കുന്ന 102 ലോക്സഭാ മണ്ഡലങ്ങളിലെ നാമനിര്ദേശ പത്രികാ സമര്പ്പണം ഇന്ന് അവസാനിക്കും. 21 സംസ്ഥാനങ്ങളിലെ 102 ലോക്സഭ മണ്ഡലങ്ങളിലാണ് ആദ്യഘട്ടത്തില് തെരഞ്ഞെടുപ്പ് നടക്കുക. ഉത്സവാഘോഷം കണക്കിലെടുത്ത് ബിഹാറില് നാളെയാണ് നാമനിര്ദേശ പത്രിക സമര്പ്പിക്കുന്നത് അവസാനിക്കുക.
നാളെ മുതല് തന്നെ നാമനിര്ദേശ പത്രികയുടെ സൂക്ഷ്മപരിശോധനയും ആരംഭിക്കും. മാര്ച്ച് 30 ആണ് പത്രിക പിന്വലിക്കാനുള്ള അവസാന തീയതി. ആദ്യഘട്ട തെരഞ്ഞെടുപ്പിനുള്ള വോട്ടെടുപ്പ് ഏപ്രില് 19നാണ് നടക്കുക.
അതേസമയം തമിഴ്നാട്ടില് ബിജെപി സംസ്ഥാന അധ്യക്ഷനും കോയമ്പത്തൂരിലെ സ്ഥാനാര്ഥിയുമായ കെ അണ്ണാമലൈ, മുന് കേന്ദ്രമന്ത്രിയും ഡിഎംകെയുടെ ചെന്നൈ സെന്ട്രലിലെ സ്ഥാനാര്ത്ഥിയുമായ ദയാനിധി മാരന് തുടങ്ങിയ പ്രമുഖര് ഇന്ന് പത്രിക സമര്പ്പിക്കും.
![](https://keralaonlinenews.com/static/c1e/static/themes/11/94744/4170/images/new-shopprix-ad.jpg)