കരുവന്നൂര് സഹകരണ ബാങ്ക് കേസില് കൂടുതല് സിപിഎം നേതാക്കള്ക്ക് ഇഡി നോട്ടീസ് നല്കും
Apr 2, 2024, 07:30 IST
കരുവന്നൂര് സഹകരണ ബാങ്ക് കേസില് കൂടുതല് സിപിഎം നേതാക്കള്ക്ക് ഇഡി ഉടന് നോട്ടീസ് നല്കും. നിലവില് തൃശൂര് സിപിഎം ജില്ലാ സെക്രട്ടറി എംഎം വര്ഗീസിനാണ് ഇഡി നോട്ടീസ് വന്നിരിക്കുന്നത്. ഇനി എംകെ കണ്ണന്, എസി മൊയ്തീന് എന്നീ നേതാക്കള്ക്ക് കൂടി ഉടന് നോട്ടീസെത്തുമെന്നാണ് വിവരം.
കേസില് സഹകരണ രജിസ്ട്രാര്മാര്ക്കും പങ്കുണ്ടെന്നാണ് ഇഡി വാദം. പത്ത് വര്ഷത്തെ ഓഡിറ്റ് വിവരം മറച്ചുവച്ചത് രജിസ്ട്രാര്മാരാണെന്നാണ് ഇഡി ചൂണ്ടിക്കാട്ടുന്നത്. ഈ കാലയളവില് ചുമതല വഹിച്ചവരെ പ്രതികളാക്കാനാണ് നീക്കം.
തെരഞ്ഞെടുപ്പ് അടുത്തിരിക്കെ കരുവന്നൂര് കേസില് സജീവമാവുകയാണ് ഇഡി.