നീലഗിരിയിൽ കെട്ടിട നിര്മ്മാണത്തിനിടെ മണ്ണിടിഞ്ഞ് വീണ് 6 സ്ത്രീ തൊഴിലാളികള്ക്ക് ദാരുണാന്ത്യം
Feb 7, 2024, 19:05 IST
![sg](https://keralaonlinenews.com/static/c1e/client/94744/uploaded/7d703d9ec7857d88c0eead11ba9ecad7.jpg?width=823&height=431&resizemode=4)
വയനാട് : നീലഗിരിയിൽ കെട്ടിട നിര്മ്മാണത്തിനിടെ മണ്ണിടിഞ്ഞ് വീണ് 6 സ്ത്രീ തൊഴിലാളികള്ക്ക് ദാരുണാന്ത്യം. എട്ടോളം സ്ത്രീകളാണ് മണ്ണിനടിയില്പെട്ടത്. ഊട്ടിക്ക് സമീപം ഗാന്ധിനഗറിലാണ് സംഭവം. വീടിന് 30 അടി ഉയരമുള്ള സംരക്ഷണഭിത്തി നിര്മിച്ചിരുന്നു. മുകള്മുറ്റത്തെ ഉപയോഗശൂന്യമായ ശൗചാലയം തകര്ന്നുവീണതാണ് അപകടത്തിനു കാരണമായത്.
താഴെ നിര്മാണ ജോലികളില് ഏര്പ്പെട്ടിരുന്ന തൊഴിലാളികള് മണ്ണിനടിയില് പെടുകയായിരുന്നു. 6 സ്ത്രീകളും സംഭവസ്ഥലത്തു വെച്ചുതന്നെ മരിച്ചു. പത്തോളം തൊഴിലാളികളാണ് മണ്ണെടുക്കൽ ജോലിയിൽ ഏർപ്പെട്ടിരുന്നത്. ഗാന്ധിനഗറിലെ ഷകില (30), സംഗീത (35), ഭാഗ്യ (36), ഉമ (35), മുത്തുലക്ഷ്മി (36), രാധ (36) എന്നിവരാണ് മരിച്ചത്. 4 തൊഴിലാളികൾ ഗുരുതര പരുക്കുകളോടെ ചികിത്സയിലാണ്
![](https://keralaonlinenews.com/static/c1e/static/themes/11/94744/4170/images/new-shopprix-ad.jpg)