ലൈസൻസ് ഇല്ലാതെ വാഹനമോടിച്ചാൽ കർശനശിക്ഷാ നടപടി; ലൈസൻസ് ലഭിക്കാൻ 25 വയസ് വരെ കാത്തിരിക്കണം

തൊ​ടു​പു​ഴ : ലൈസൻസ് ഇല്ലാതെ വാഹനമോടിച്ചാൽ ശിക്ഷാനടപടി കർശനമാക്കും. വേനലവധി വരുന്നതോടെയാണ് ശിക്ഷാനടപടി കടുപ്പിച്ചത്. ലൈ​സ​ൻ​സി​ല്ലാ​തെ കു​ട്ടി​ക​ൾ മാ​താ​പി​താ​ക്ക​ളു​ടെ​യോ സു​ഹൃ​ത്തു​ക്ക​ളു​ടെയോ ബ​ന്ധു​ക്ക​ളു​ടേയോ വാ​ഹ​ന​വു​മാ​യി റോ​ഡി​ലി​റ​ങ്ങാ​നു​ള്ള സാ​ധ്യ​ത മു​ന്നി​ൽ​ക്ക​ണ്ടാ​ണ് പോ​ലീ​സും മോ​ട്ടോ​ർ​വാ​ഹ​ന വ​കു​പ്പും മു​ന്ന​റി​യി​പ്പു​മാ​യി രം​ഗ​ത്തെ​ത്തി​യി​രി​ക്കു​ന്ന​ത്.

പ്രാ​യ​പൂ​ർ​ത്തി​യാ​കാ​ത്ത കു​ട്ടി​ക​ൾ വാ​ഹ​ന​മോ​ടി​ച്ചു പി​ടി​ക്ക​പ്പെ​ട്ടാ​ൽ ഡ്രൈ​വിം​ഗ് ലൈ​സ​ൻ​സി​ന് 25 വ​യ​സു​വ​രെ കാ​ത്തി​രി​ക്കേ​ണ്ടി വ​രും. നി​യ​മ​ലം​ഘ​നം ന​ട​ത്തി​യ​തി​ന് വാ​ഹ​ന​ത്തി​ന്‍റെ ര​ജി​സ്ട്രേ​ഷ​ൻ ഒ​രു​വ​ർ​ഷ​ത്തേ​ക്കു റ​ദ്ദാ​ക്കു​ക​യും ചെ​യ്യും. ​ര​ക്ഷി​താ​വി​നു പ​ര​മാ​വ​ധി മൂ​ന്നു വ​ർ​ഷം​വ​രെ ത​ട​വും 25,000 രൂ​പ​വ​രെ പി​ഴ​യും ശി​ക്ഷ​ ല​ഭി​ക്കും.

ലൈ​സ​ൻ​സി​ല്ലാ​ത്ത കു​ട്ടി​ക​ൾ വാ​ഹ​ന​വു​മാ​യി നി​ര​ത്തി​ലി​റ​ങ്ങി അ​പ​ക​ട​മു​ണ്ടാ​ക്കു​ന്ന​ത്​ സം​ബ​ന്ധി​ച്ചു​ള്ള റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് ക​ർ​ശ​ന ന​ട​പ​ടി​യു​മാ​യി അ​ധി​കൃ​ത​ർ രം​ഗ​ത്തെ​ത്തി​യി​രി​ക്കു​ന്ന​ത്. പാ​ലാ​യി​ൽ പ്രാ​യ​പൂ​ർ​ത്തി​യാ​കാ​ത്ത കു​ട്ടി ഓ​ടി​ച്ച വാ​ഹ​ന​മി​ടി​ച്ച് വീ​ട്ട​മ്മ മ​രി​ച്ച സം​ഭ​വ​ത്തി​ൽ അ​ച്ഛ​നെ പ്ര​തി​യാ​ക്കി പോ​ലീ​സ് കേ​സെ​ടു​ക്കു​ക​യും അ​പ​ക​ട​ത്തി​ന് കാ​ര​ണ​മാ​യ വാ​ഹ​ന​ത്തി​ന്‍റെ ര​ജി​സ്ട്രേ​ഷ​ൻ ഒ​രു​വ​ർ​ഷ​ത്തേ​ക്ക് സ​സ്പെ​ൻ​ഡ് ചെയ്യുകയും ചെ​യ്തി​രു​ന്നു.

18 വ​യ​സ് തി​ക​യാ​ത്ത​വ​ർ പൊ​തു​നി​ര​ത്തി​ലൂ​ടെ വാ​ഹ​നം ഓ​ടി​ക്കു​ക​യും അ​പ​ക​ട​മു​ണ്ടാ​ക്കു​ക​യും ചെ​യ്താ​ൽ വാ​ഹ​ന​ത്തി​ന്‍റെ ര​ജി​സ്റ്റേ​ർ​ഡ് ഉ​ട​മ മോ​ട്ടോ​ർ​വാ​ഹ​ന നി​യ​മ​മ​നു​സ​രി​ച്ച് ര​ണ്ടു​കു​റ്റ​വും ചെ​യ്ത​താ​യി ക​ണ​ക്കാ​ക്ക​പ്പെ​ടു​ക​യും മൂ​ന്നു​വ​ർ​ഷം വ​രെ ത​ട​വും പി​ഴ​യും ല​ഭി​ക്കു​ക​യും ചെ​യ്യും.

ഇ​തി​നു പു​റ​മേ ന​ഷ്ട​പ​രി​ഹാ​ര​ത്തുക​യും അ​പ​ക​ട​മു​ണ്ടാ​ക്കി​യ ര​ജി​സ്റ്റേ​ർ​ഡ് ഉ​ട​മ ന​ൽ​കേ​ണ്ട​താ​യി വ​രും. അ​തി​നാ​ൽ ഇ​ക്കാ​ര്യ​ത്തി​ൽ ര​ക്ഷി​താ​ക്ക​ൾ ജാ​ഗ്ര​ത പാ​ലി​ക്ക​ണ​മെ​ന്നാ​ണ് പോ​ലീ​സ് മു​ന്ന​റി​യി​പ്പ് ന​ൽ​കു​ന്ന​ത്. വ​രും​ദി​വ​സ​ങ്ങ​ളി​ൽ വാ​ഹ​ന പ​രി​ശോ​ധ​ന ക​ർ​ശ​ന​മാ​ക്കു​മെ​ന്നും പോ​ലീ​സ് പ​റ​ഞ്ഞു.