കീം പരീക്ഷ ; കൂടുതൽ സർവീസുകൾ ഒരുക്കിയിട്ടുണ്ടെന്ന് കെഎസ്ആർടിസി
Jun 3, 2024, 10:30 IST
![ksrtc](https://keralaonlinenews.com/static/c1e/client/94744/uploaded/c9433097e9cc68452563fd34aee1768f.jpg?width=823&height=431&resizemode=4)
![ksrtc](https://keralaonlinenews.com/static/c1e/client/94744/uploaded/c9433097e9cc68452563fd34aee1768f.jpg?width=382&height=200&resizemode=4)
തിരുവനന്തപുരം : കീം പരീക്ഷ നടക്കുന്ന പശ്ചാത്തലത്തിൽ കൂടുതൽ സർവീസുകൾ ഒരുക്കിയിട്ടുണ്ടെന്നു കെഎസ്ആർടിസി. വിദ്യാർഥികളുടെ തിരക്ക് അനുസരിച്ച് സർവീസുകൾ ലഭ്യമാക്കുമെന്നും കെഎസ്ആർടിസി അറിയിച്ചു.
ജൂൺ 5 മുതൽ 9 വരെ വിവിധ കേന്ദ്രങ്ങളിലായാണു പരീക്ഷ. രാവിലെ പത്ത് മുതൽ ഒരു മണി വരെയും ഉച്ചയ്ക്ക് ശേഷം മൂന്നര മുതൽ അഞ്ച് മണി വരെയുമാണ് പരീക്ഷ സമയം.
എല്ലാ ജില്ലകളിൽ നിന്നും വിപുലമായ രീതിയിൽ സർവീസുകൾ ക്രമീകരിക്കണമെന്നു ഗതാഗത വകുപ്പ് മന്ത്രി ഗണേഷ് കുമാർ നിർദ്ദേശിച്ചിരുന്നു.
തുടർന്നാണ് തീരുമാനം.വിദ്യാർഥികൾ നിശ്ചിത സമയത്തിനു രണ്ടര മണിക്കൂർ മുൻപ് പരീക്ഷാ കേന്ദ്രത്തിൽ റിപ്പോർട്ട് ചെയ്യണം. ഈ സമയം കൂടി പരിഗണിച്ചായിരിക്കും സർവീസ് ക്രമീകരിക്കുക.