ബെംഗളൂരുവിൽ ജനവാസ മേഖലയിൽ പുലിയിറങ്ങി

ബെംഗളൂരു : വടക്കൻ ബെംഗളൂരുവിൽ ഹെസാരഘട്ട-യെലഹങ്കയ്ക്ക് സമീപത്തെ ജനവാസ മേഖലയിൽ രണ്ട് പുലികളെ കണ്ടതായി വനംവകുപ്പ് ഉദ്യോഗസ്ഥർ. തുടർന്ന് വനംവകുപ്പ് പ്രദേശവാസികൾക്ക് ജാഗ്രതാ നിർദേശം നൽകി.

അതേസമയം അപ്പാർട്ട്മെന്റിന്റെ പാർക്കിങ് ഭാഗത്തുള്ള സിസിടിവിയിൽ രണ്ടു പുലികളുടെ ദൃശ്യങ്ങൾ പതിഞ്ഞു. പുലികളെ പിടികൂടാനുള്ള ശ്രമത്തിലാണ് വനംവകുപ്പ്. അടുത്തിടെയാണ് ഇൻഫോസിസിൻ്റെ മൈസൂർ ക്യാമ്പസിൽ പുലിയെ കണ്ടത്. എന്നാൽ ദിവസങ്ങളോളം നീണ്ട ദൗത്യത്തിലും പുലിയെ കണ്ടെത്താൻ സാധിച്ചിരുന്നില്ല.