മൃഗബലി; 'ശിവകുമാര് പറഞ്ഞ കാര്യങ്ങള് അന്വേഷിച്ചു, അങ്ങനെ ഒന്നും നടന്നിട്ടില്ല': മന്ത്രി കെ രാധാകൃഷ്ണന്
![radhakrishnan](https://keralaonlinenews.com/static/c1e/client/94744/uploaded/0a26a1da0fa45e0c8acfca8385aa15e9.jpg?width=823&height=431&resizemode=4)
![radhakrishnan](https://keralaonlinenews.com/static/c1e/client/94744/uploaded/0a26a1da0fa45e0c8acfca8385aa15e9.jpg?width=382&height=200&resizemode=4)
കര്ണാടക കോണ്ഗ്രസ് നേതാവും ഉപമുഖ്യമന്ത്രിയുമായ ഡികെ ശിവകുമാറിന്റെ മൃഗബലി നടന്നുവെന്ന ആരോപണത്തില് വീണ്ടും പ്രതികരിച്ച് ദേവസ്വം മന്ത്രി കെ രാധാകൃഷ്ണന്. രാജരാജേശ്വരി ക്ഷേത്രത്തിലെ മൃഗബലിയെ കുറിച്ച് ശിവകുമാര് പറഞ്ഞ കാര്യങ്ങള് അന്വേഷിച്ചുവെന്ന് മന്ത്രി പറഞ്ഞു. അങ്ങനെ ഒന്നും നടന്നിട്ടില്ല എന്നാണ് മനസിലാക്കിയത്. വേറെ എവിടെലും നടന്നിട്ടുണ്ടോ എന്നും അന്വേഷിക്കുമെന്നും മന്ത്രി കൂട്ടിച്ചേര്ത്തു.
എന്നാല് മൃഗബലി പരാമര്ശം വിവാദമായതോടെ മലക്കം മറിഞ്ഞ് ഡികെ ശിവകുമാര് രംഗത്തെത്തി. രാജരാജേശ്വര ക്ഷേത്രത്തില് മൃ?ഗബലി നടന്നെന്ന് പറഞ്ഞിട്ടില്ലെന്നാണ് ഡികെ ശിവകുമാറിന്റെ വെളിപ്പെടുത്തല്. വാക്കുകള് വളച്ചൊടിക്കരുത്. മൃഗബലി നടന്ന സ്ഥലം ഇതിന് അടുത്ത് എന്ന് മാത്രമേ പറഞ്ഞിട്ടുള്ളൂവെന്നും രാജരാജേശ്വര ക്ഷേത്രത്തില് പലതവണ വന്നുതൊഴുത ഭക്തനാണെന്നും ശിവകുമാര് വ്യക്തമാക്കി.
കര്ണാടകയിലെ കോണ്ഗ്രസ് സര്ക്കാരിനെ താഴെയിറക്കാന് കേരളത്തിലെ ഒരു രാജരാജേശ്വര ക്ഷേത്രത്തിന് സമീപം വച്ച് മൃഗബലി നടന്നെന്നായിരുന്നു ഡികെ ശിവകുമാറിന്റെ ആരോപണം. ശത്രുഭൈരവ എന്ന പേരില് നടത്തിയ യാഗത്തില് 52 മൃഗങ്ങളെ ബലി നല്കിയെന്നും ഡികെ ആരോപിച്ചിരുന്നു.