ആലപ്പുഴയിൽ ആറു കിലോയോളം കഞ്ചാവുമായി രണ്ടു യുവാക്കൾ പിടിയിൽ
Jun 5, 2024, 09:59 IST
ആലപ്പുഴ: ആറു കിലോയോളം കഞ്ചാവുമായി രണ്ടു യുവാക്കൾ പിടിയിൽ. കോടുകുളഞ്ഞി ഫെഡറൽ ബാങ്ക് ജങ്ഷന് സമീപത്തുനിന്ന് ചെങ്ങന്നൂർ മുനിസിപ്പാലിറ്റി എട്ടാം വാർഡിൽ തെക്ക് മുറിയിൽ മലയിൽ പുത്തൻവീട്ടിൽ കാത്തു എന്ന കാർത്തിക് (20), കൈലാത്ത് വീട്ടിൽ ജോബിൻ ജേക്കബ് (26 ) എന്നിവരെ വെൺമണി പൊലീസ് അറസ്റ്റ് ചെയ്തു.
ലഹരിമരുന്ന് പരിശോധനയിലാണ് കഞ്ചാവ് പിടികൂടിയത്. ചെങ്ങന്നൂർ ഡിവൈ.എസ്.പി കെ.എൻ. രാജേഷിന്റെ നേതൃത്വത്തിലെ സംഘവും നാർകോട്ടിക് സ്ക്വാഡും സംയുക്തമായാണ് പ്രതികളെ അറസ്റ്റ് ചെയ്തത്.