കോഴിക്കോട് കാരശ്ശേരിയിൽ ജനവാസമേഖലയിലിറങ്ങിയ കാട്ടുപന്നിയെ വെടിവച്ചു കൊന്നു

കോഴിക്കോട്: ജനവാസമേഖലയിലിറങ്ങിയ  കാട്ടുപന്നിയെ വെടിവച്ചു കൊന്നു. കാരശ്ശേരി മുരിങ്ങാം പുറായി പാലക്കാം പൊയിൽ ഭാഗത്ത് ഇറങ്ങിയ കാട്ടുപന്നിയെയാണ് വെടിവെച്ചു കൊന്നത്. ജനവാസ മേഖലകളിലൂടെ ഓടി ഏറെനേരം പരി​ഭ്രാന്തി പരത്തിയതോടെയാണ് പന്നിയെ വെടിവെച്ചു കൊന്നത്. 

ബുധനാഴ്ച രാവിലെ 11 മണിയോടെ മലയിലേക്ക് മടങ്ങിയ പന്നി, 12.30-ഓടെ വീണ്ടും ജനവാസ മേഖലയിലേക്ക് ഇറങ്ങുകയായിരുന്നു. കാരശ്ശേരി പഞ്ചായത്ത് എം പാനൽ ഷൂട്ടർ ബാബു പ്ലാക്കാട്ടാണ് പന്നിയെ വെടിവെച്ചത്. ഷൂട്ടറുടെ സഹായികളായ കാരമൂല കൽപൂർ സ്വദേശി അനൂപിനും രാജനും പരിക്കേൽക്കുകയും ചെയ്തു.