അരുണാചലില് മലയാളി ദമ്പതികളും സുഹൃത്തും മരിച്ച സംഭവം; സമൂഹമാധ്യമങ്ങള് കേന്ദ്രീകരിച്ച് അന്വേഷണം
![naveen](https://keralaonlinenews.com/static/c1e/client/94744/uploaded/ae48464b00299b44125c1efe50c8b132.jpg?width=823&height=431&resizemode=4)
![naveen](https://keralaonlinenews.com/static/c1e/client/94744/uploaded/ae48464b00299b44125c1efe50c8b132.jpg?width=382&height=200&resizemode=4)
അരുണാചല് പ്രദേശില് മലയാളികളായ ദമ്പതികളെയും സുഹൃത്തായ അധ്യാപികയെയും മരിച്ച നിലയില് കണ്ടെത്തിയ സംഭവത്തില് സമൂഹമാധ്യമങ്ങള് കേന്ദ്രീകരിച്ച് തുടരന്വേഷണം. മൂന്നു പേരുടെയും കോള് ലിസ്റ്റ് പരിശോധിക്കും. കോട്ടയം സ്വദേശികളായ ദേവി, ഭര്ത്താവ് നവീന്, അധ്യാപിക ആര്യ എന്നിവരെയായിരുന്നു മരിച്ച നിലയില് കണ്ടെത്തിയത്. ഇവരുടെ ആത്മഹത്യ കുറിപ്പ് കണ്ടെത്തിയിരുന്നു. ആത്മഹത്യാ കുറിപ്പും കണ്ടെത്തി. സന്തോഷത്തോടെ ജീവിച്ചു, ഇനി പോകുന്നു എന്ന് ആത്മഹത്യ കുറിപ്പില് പറയുന്നു.
ഇവര് മരണാനന്തര ജീവിതത്തെ കുറിച്ചെല്ലാം ഇന്റര്നെറ്റില് സെര്ച്ച് ചെയ്തിരുന്നുവെന്നാണ് അന്വേഷണത്തില് പൊലീസ് വ്യക്തമാക്കുന്നത്. മൂവരുടേയും ഫോണുകള് കോടതിയില് ഹാജരാക്കും. ഇവ പരിശോധിച്ചാലോ സംശയങ്ങള്ക്കെല്ലാം വ്യക്തത വരൂ. ഇറ്റാന?ഗറിലെ ഒരു ഹോട്ടലിലാണ് മൂന്ന് പേരുടെയും മൃതദേഹം കണ്ടെത്തിയത്. ആര്യയെ കഴിഞ്ഞ 27ന് തിരുവനന്തപുരത്ത് നിന്ന് കാണാതായിരുന്നു. വീട്ടുകാരോട് പറയാതെ ഇറങ്ങിപ്പോകുകയായിരുന്നെന്നാണ് വിവരം. ബന്ധുക്കളുടെ പരാതിയില് വട്ടിയൂര്ക്കാവ് പൊലീസില് പരാതി നല്കിയിരുന്നു. പൊലീസ് അന്വേഷണത്തില് ആര്യ നവീനും ദേവിക്കും ഒപ്പമുണ്ടെന്ന് കണ്ടെത്തി.
തിരുവനന്തപുരം വിമാനത്താവളത്തില് നിന്നും ഗുവാഹട്ടിയിലേക്ക് ഇവര് പോയതായി കണ്ടെത്തിയിരുന്നു. വിനോദ യാത്രക്ക് പോകുകയാണെന്ന് പറഞ്ഞാണ് നവീനും ദേവിയും വീട്ടില് നിന്നിറങ്ങിയത്. ആര്യ ജോലി ചെയ്തിരുന്ന തിരുവനന്തപുരത്തെ സ്കൂളില് ദേവിയും ജോലി ചെയ്തിരുന്നു. ഇരുവരും അടുത്ത സുഹൃത്തുക്കള് കൂടിയാണ്.മുന്പ് ഇതേ സ്കൂളില് ദേവി ജര്മന് പഠിപ്പിച്ചിരുന്നു. ഇന്നലെ രാവിലെ ഇറ്റാന?ഗര് പൊലീസാണ് വട്ടിയൂര്ക്കാവ് പൊലീസിനെ മൂവരും മരിച്ച നിലയില് കണ്ടെന്ന വിവരമറിയിച്ചത്.
![](https://keralaonlinenews.com/static/c1e/static/themes/11/94744/4170/images/E-PLANET-ROAYAL-AND-DINESH-AD--1-.webp)