ബ്രിട്ടനില് കൊല്ലപ്പെട്ട അഞ്ജുവിന്റെയും മക്കളുടേയും മൃതദേഹങ്ങള് ഇന്ന് കൊച്ചിയിലെത്തിക്കും
കഴിഞ്ഞ മാസം ബ്രിട്ടനിലെ കെറ്ററിംഗില് കൊല്ലപ്പെട്ട വൈക്കം സ്വദേശി അഞ്ജുവിന്റെയും മക്കളായ ജാന്വി, ജീവ എന്നിവരുടെയും മൃതദേഹങ്ങള് ഇന്ന് കൊച്ചിയിലെത്തിക്കും. ബ്രിട്ടനില് നിന്നുള്ള വിമാനത്തില് രാവിലെ എട്ടിന് നെടുമ്പാശ്ശേരിയിലെത്തിക്കുന്ന മൃതദേഹങ്ങള് വൈക്കത്തെ വീട്ടിലേക്ക് കൊണ്ടുപോകും. പൊതുദര്ശനത്തിന് ശേഷം ഉച്ചയ്ക്ക് ഒരു മണിയ്ക്ക് വീട്ടുവളപ്പില് സംസ്കരിക്കും.
കഴിഞ്ഞ മാസം 16നാണ് ബ്രിട്ടനില് നഴ്സായിരുന്ന അഞ്ജുവിനെയും മക്കളെയും കെറ്ററിംഗിലെ വീട്ടില് ദുരൂഹസാഹചര്യത്തില് മരിച്ച നിലയില് കണ്ടെത്തിയത്. അഞ്ജുവിന്റെ ഭര്ത്താവ് സാജുവാണ് കൊലപ്പെടുത്തിയത്. ഇയാളെ പൊലീസ് അറസ്റ്റ് ചെയ്തിരുന്നു. മൃതദേഹങ്ങള് നാട്ടിലെത്തിക്കാന് ഒരു മാസമായി അഞ്ജുവിന്റെ മാതാപിതാക്കള് ശ്രമിച്ച് വരികയായിരുന്നു.
ബ്രിട്ടനിലെ കെറ്ററിംഗിലെ ആശുപത്രിയില് നഴ്സായി ജോലി ചെയ്യുകയായിരുന്നു. മൂന്നു പേരുടെ കൊലപാതകത്തില് ഭര്ത്താവ് വിചാരണ നേരിടുകയാണ്.