കോട്ടയത്ത് പ്രൈവറ്റ് ബസിലെ ഡ്രൈവറെ ആക്രമിച്ച കേസിൽ കണ്ടക്ടർ അറസ്റ്റില്
Sep 19, 2022, 12:38 IST
കുമരകം: ബസ് ഡ്രൈവറെ ആക്രമിച്ച കേസിൽ കണ്ടക്ടർ അറസ്റ്റില്. പ്രൈവറ്റ് ബസിലെ ഡ്രൈവറെ ആക്രമിച്ച കേസിൽ തിരുവാർപ്പ് കറുക്കശ്ശേരിൽ വീട്ടിൽ അനീഷ് കുമാറിനെയാണ് (39) കുമരകം പൊലീസ് അറസ്റ്റ് ചെയ്തത്.
കഴിഞ്ഞദിവസം ബസിലെ ഡ്രൈവറായ നിബിനെ ഇയാൾ ആക്രമിക്കുകയായിരുന്നു. ഇരുവരും കോട്ടയം- തിരുവാര്പ്പ് റൂട്ടില് ഓടുന്ന ബസിലെ ജീവനക്കാരാണ്. ഇവർ തമ്മിൽ സംസാരത്തിനിടയിൽ വാക്കുതർക്കം ഉണ്ടാകുകയും തുടർന്ന് അനീഷ് കുമാർ നിബിനെ വണ്ടിയുടെ വീൽ സ്പാനർ ഉപയോഗിച്ച് തലക്കടിക്കുകയായിരുന്നു. പ്രതിയെ കോടതിയിൽ ഹാജരാക്കി.