വിൽപ്പനക്കായി കൊണ്ടുവന്ന കഞ്ചാവുമായി യുവാവ് കോട്ടയത്ത് പിടിയിൽ
Sep 19, 2022, 19:39 IST
പാലാ: വിൽപ്പനക്കായി കൊണ്ടുവന്ന കഞ്ചാവുമായി യുവാവ് പിടിയിൽ. കിടങ്ങൂർ ഉത്തമേശ്വരം മൂശാരത്ത് വീട്ടിൽ അനന്ദു മുരുകനെ (21) യാണ് പാലാ പൊലീസ് അറസ്റ്റ് ചെയ്തത്. കഴിഞ്ഞദിവസം വള്ളിച്ചിറ പൈങ്ങുളം പള്ളിയുടെ സമീപത്ത് വച്ച് പൊലീസ് പരിശോധനക്കിടയിൽ കഞ്ചാവുമായി ഇയാളെ പിടികൂടുകയായിരുന്നു. ജില്ല പൊലീസ് മേധാവിയുടെ നേതൃത്വത്തിലുള്ള ലഹരിവിരുദ്ധ സ്ക്വാഡാണ് ഇയാളെ പിടികൂടിയത്. പാലാ എസ്.ഐ അഭിലാഷ് എം.ഡി, ഷാജി സെബാസ്റ്റ്യൻ, എ.എസ്.ഐ ബിജു കെ.തോമസ്, സി.പി.ഓ മാരായ ജസ്റ്റിൻ ജോസഫ്, അരുൺ എന്നിവരാണ് സംഘത്തിൽ ഉണ്ടായിരുന്നത്.