'ട്രൂ 5ജി സേവനങ്ങൾ നൽകുന്ന ഏക ഓപ്പറേറ്റർമാർ'; അവകാശവാദവുമായി ജിയോ ​​​​​​​

ട്രൂ 5ജി സേവനങ്ങൾ നൽകുന്ന ഏക ഓപ്പറേറ്റർമാർ തങ്ങളാണെന്ന പ്രഖ്യാപനവുമായി റിലയൻസ് ജിയോ. ഡൽഹി, ഗുരുഗ്രാം, നോയിഡ, ഗാസിയാബാദ്, ഫരീദാബാദ് എന്നിവയുൾപ്പെടെ ഡൽഹി-എൻസിആർ മേഖലയിലുടനീളം നൽകുന്ന സേവനങ്ങളെ കുറിച്ചാണ് ജിയോ പ്രഖ്യാപനം നടത്തിയത്. ഏറ്റവും നൂതനമായ ട്രൂ 5ജി  നെറ്റ്വർക്ക് അതിവേഗം തങ്ങൾ പുറത്തിറക്കുകയാണെന്ന് ജിയോ പറഞ്ഞു.

ദേശീയ തലസ്ഥാനത്തിന്റെയും എൻസിആർ മേഖലയുടെയും ഭൂരിഭാഗവും കവർ ചെയ്യുന്നുവെന്നത്  അഭിമാനകരമായ കാര്യമാണ്. എല്ലാ ഇന്ത്യക്കാരിലും ട്രൂ 5ജി  എത്തിക്കാൻ ജിയോ എഞ്ചിനീയർമാർ 24 മണിക്കൂറും പരിശ്രമിക്കുന്നുണ്ട്. 

മിക്ക റെസിഡൻഷ്യൽ ഏരിയകൾ, ആശുപത്രികൾ, സ്‌കൂളുകൾ, കോളജുകൾ, സർവകലാശാലകൾ, സർക്കാർ കെട്ടിടങ്ങൾ, മാളുകൾ, മാർക്കറ്റുകൾ എന്നിവയുൾപ്പെടെ എല്ലാ പ്രധാന പ്രദേശങ്ങളിലും പ്രദേശങ്ങളിലും ഒരു പരിവർത്തന ശൃംഖല ഉണ്ടാകുമെന്നും ടെലികോം പറഞ്ഞു. 

വിനോദസഞ്ചാര കേന്ദ്രങ്ങൾ, ഹോട്ടലുകൾ, ടെക് പാർക്കുകൾ, റോഡുകൾ, ഹൈവേകൾ, മെട്രോകൾഎന്നിവയും ഇതിലുൾപ്പെടുന്നുണ്ട്. ഡൽഹി-നാഷണൽ ക്യാപിറ്റൽ റീജിയണിലെ (എൻസിആർ) ലക്ഷക്കണക്കിന് ജിയോ ഉപയോക്താക്കൾ ഇതിനകം തന്നെ ജിയോ വെൽക്കം ഓഫർ ആസ്വദിക്കുന്നുണ്ടെന്നാണ് കമ്പനി പറയുന്നത്.