കണ്ണൂര് വിസി പുനര്നിയമനത്തില് മുഖ്യമന്ത്രിയ്ക്കെതിരെ ഗുരുതര ആരോപണവുമായി ഗവര്ണര്
Sep 19, 2022, 12:50 IST
തിരുവനന്തപുരം: കണ്ണൂര് വിസി പുനര്നിയമനത്തില് മുഖ്യമന്ത്രി പിണറായി വിജയനെതിരെ ഗുരുതര ആരോപണവുമായി ഗവര്ണര് ആരിഫ് മുഹമ്മദ് ഖാന്. പുനര്നിയമനത്തില് മുഖ്യമന്ത്രി നേരിട്ട് ഇടപെട്ടെന്നാണ് ഗവര്ണറുടെ ആരോപണം. ഇതുസംബന്ധിച്ച് ഗവര്ണര്ക്ക് മുഖ്യമന്ത്രി അയച്ച കത്തുകള് പുറത്തുവിട്ടു.
വിസി പുനര്നിയമനം ആവശ്യപ്പെട്ട് 2021 ഡിസംബര് എട്ടിന് മുഖ്യമന്ത്രി ആദ്യകത്ത് അയച്ചെന്നാണ് ഗവര്ണര് വിശദീകരിക്കുന്നത്. രാജ്ഭവനില് നേരിട്ടെത്തി മുഖ്യമന്ത്രി ശുപാര്ശ നടത്തിയെന്നും ഗവര്ണര് ആരോപിക്കുന്നു. ചാന്സലര് സ്ഥാനത്ത് തുടരാന് ആവശ്യപ്പെട്ട് രണ്ടാം കത്ത് ഡിസംബര് 16 ന് ലഭിച്ചു. സര്വ്വകലാശാല ഭരണത്തില് ഇടപെടില്ലെന്ന് ജനുവരി 16 ന് അവസാന കത്തും ലഭിച്ചെന്ന് ഗവര്ണര് വിശദീകരിക്കുന്നു.