തിരുവനന്തപുരം മെഡിക്കൽ കോളേജിലെ അവയവമാറ്റ ശസ്ത്രക്രിയയിലെ വീഴ്ച : മന്ത്രി വീണാ ജോർജ് അന്വേഷണത്തിന് ഉത്തരവിട്ടു
Jun 20, 2022, 14:15 IST
തിരുവനന്തപുരം : തിരുവനന്തപുരം മെഡിക്കല് കോളേജില് അവയവം മാറ്റിവയ്ക്കല് ശസ്ത്രക്രിയ വൈകിയതിന് പിന്നാലെ രോഗി മരിച്ച സംഭവത്തില് അന്വേഷണത്തിന് ഉത്തരവിട്ടു.ശസ്ത്രക്രിയ വൈകിയതെന്ന വാര്ത്തയുടെ അടിസ്ഥാനത്തില് മന്ത്രി വീണാ ജോര്ജ് അന്വേഷണത്തിന് ഉത്തരവിട്ടതായി ആരോഗ്യ വകുപ്പ് അറിയിച്ചു.
അടിയന്തരമായി അന്വേഷിച്ച് റിപ്പോര്ട്ട് നല്കാന് മന്ത്രി ആരോഗ്യ വകുപ്പ് അഡീഷണല് ചീഫ് സെക്രട്ടറിക്ക് നിര്ദേശം നല്കി. വീഴ്ച വരുത്തിയവര്ക്കെതിരെ കര്ശന നടപടി സ്വീകരിക്കും. സംഭവവുമായി ബന്ധപ്പെട്ട് ഉന്നതതല യോഗം അടിയന്തരമായി ഉടന് തന്നെ വിളിച്ചു ചേര്ക്കുന്നതാണെന്നും മന്ത്രി വ്യക്തമാക്കി.