ആലപ്പുഴ നഗരസഭയിലേക്ക് നടന്ന യൂത്ത് കോൺഗ്രസ് മാർച്ചില് സംഘർഷം
ആലപ്പുഴ: ഷാനവാസിനെതിരെ നടപടി ആവശ്യപ്പെട്ട് ആലപ്പുഴ നഗരസഭയിലേക്ക് നടന്ന യൂത്ത് കോൺഗ്രസ് മാർച്ചിൽ സംഘർഷം. പ്രതിഷേധക്കാര്ക്ക് നേരെ പൊലീസ് ജലപീരങ്കി പ്രയോഗിച്ചു. ദിവസങ്ങളായി അവിടെ പ്രതിഷേധം നടക്കുന്നുണ്ട്. കഴിഞ്ഞ ദിവസം ചേർന്ന കൗൺസിൽ യോഗം ബഹളത്തിലാണ് കലാശിച്ചത്. പൊലീസെത്തി ആളുകളെ അറസ്റ്റ് ചെയ്ത് നീക്കുന്ന സാഹചര്യമുണ്ടായിരുന്നു.
ഇന്ന് ആലപ്പുഴയിൽ മുഖ്യമന്ത്രി പിണറായി വിജയൻ പങ്കെടുക്കുന്ന പരിപാടിയുണ്ട്. മെഡിക്കൽ കോളേജിന്റെ പുതിയ ബ്ലോക്കിന്റെ ഉദ്ഘാടനം നിർവ്വഹിക്കുന്നത് മുഖ്യമന്ത്രിയാണ്. ഇതുകൂടി മുന്നിൽ കണ്ടുകൊണ്ടാണ് യൂത്ത് കോൺഗ്രസ് ഷാനവാസിന്റെ രാജി ആവശ്യപ്പെട്ട് കൊണ്ട് എസ്പി ഓഫീസിലേക്ക് മാർച്ച് നടത്തിയത്. അഞ്ച് മിനിറ്റോളം സമരക്കാർക്കെതിരെ പൊലീസ് ജലപീരങ്കി ജലപീരങ്കി പ്രയോഗിച്ചു. പക്ഷേ യൂത്ത് കോൺഗ്രസിന്റെ വനിതാ പ്രവർത്തകരടക്കം പിൻമാറാൻ തയ്യാറായില്ല.