പ്രായപൂര്ത്തിയാകാത്ത പെണ്കുട്ടിയെ കൂട്ട ബലാത്സംഗത്തിനിരയാക്കി: നാല് പേര് അറസ്റ്റില്
Sep 20, 2022, 06:25 IST
പ്രായപൂര്ത്തിയാകാത്ത പെണ്കുട്ടിയെ കടത്തി കൊണ്ടുപോയി കൂട്ട ബലാത്സംഗം ചെയ്ത നാല് പേരെ പോലീസ് അറസ്റ്റ് ചെയ്തു. പൂക്കോട്ടൂര് പള്ളിപ്പടി സ്വദേശി കോതടി മജീദ്(52) പൂക്കോട്ടൂര് സ്വദേശി തൊട്ടിപ്പാറമ്മല് കൃഷ്ണന്(54), പൂക്കോട്ടൂര് കെ പി അഷറഫ്(42) പൂക്കോട്ടൂരില് വാടകയ്ക്ക് താമസിക്കുന്ന തമിഴ്നാട് സ്വദേശി കതിരവന് എന്ന മാധവന്(35) എന്നിവരെയാണ് അറസ്റ്റ് ചെയ്തത്.
പൂക്കോട്ടൂര് അറവങ്കരയിലുള്ള റൂമില്വെച്ച് പ്രതികള് പ്രായപൂര്ത്തിയാകാത്ത മലപ്പുറം സ്വദേശിനിയായ പെണ്കുട്ടിയെ കൂട്ടബലാത്സംഗത്തിനിരയാക്കിയെന്നാണ് കേസ്. കഴിഞ്ഞ സെപ്തംബര് പത്തിനാണ് കേസിന് ആസ്പദമായ സംഭവം. മലപ്പുറം ഡി വൈ എസ് പി അബ്ദുല് ബഷീറിന്റെ നേതൃത്വത്തില് അറസ്റ്റ് ചെയ്ത പ്രതികളെ റിമാന്ഡ് ചെയ്തു.