എട്ടുവയസുകാരനെ ക്രൂരമായി കൊലപ്പെടുത്തിയ കേസ് ; പ്രതിയെ കുറ്റപത്രം വായിച്ച് കേള്പ്പിക്കും
തൊടുപുഴയില് അമ്മയുടെ കാമുകന് എട്ടു വയസുകാരനെ മര്ദ്ദിച്ചുകൊന്ന കേസില് പ്രതി അരുണ് ആനന്ദിനെ കുറ്റപത്രം വായിച്ചുകേള്പ്പിക്കനായി ഇന്ന് കോടതിയില് ഹാജരാക്കും. ആരോഗ്യപ്രശ്നങ്ങളുള്ളതിനാല് പുജപ്പുരയില് നിന്നും കൊണ്ടുവരുന്നത് ഒഴിവാക്കണമെന്ന് പ്രതിഭാഗം ആവശ്യം നിരസിച്ചുകൊണ്ടാണ് ഹാജരാക്കാന് തൊടുപുഴ അഡീഷണല് ഡിസ്ട്രീക്ട് ആന്റ് സെഷന്സ് കോടതി ഉത്തരവിട്ടത്.
കുറ്റപത്രം വായിച്ചുകേള്പ്പിക്കുന്നതിന് മുന്പുള്ള വാദങ്ങള് നടന്നപ്പോഴെല്ലാം പ്രതി അരുണ് ആനന്ദ് ഓണ്ലൈനായാണ് ഹാജരായിരുന്നത്. മറ്റോരു കേസില് ശിക്ഷിക്കപ്പെട്ട് പൂജപ്പുരയില് കഴിയുന്ന അരുണിന്റെ ആരോഗ്യപ്രശ്നങ്ങളാണ് നേരിട്ടു ഹാജരാകാന് തടസമായി പ്രതിഭാഗം ചൂണ്ടികാട്ടിയിരുന്നത്. അതെല്ലാം നിരസിച്ചാണ് കോടതി നേരിട്ട് കൊണ്ടുവരാന് ഉത്തരവിട്ടത്.
കേസ് ആറ് മാസത്തിനുള്ളില് തീര്ക്കണമെന്ന് ഹൈക്കോടതി നിര്ദേശമുള്ളതിനാല് വളരെ വേഗത്തില് വിചാരണ പൂര!്ത്തിയാക്കാനാണ് കോടതിയുടെ നീക്കം. കേസില് കുട്ടിയുടെ അമ്മയെ മാപ്പു സാക്ഷിയാക്കിയിരുന്നു. കുട്ടിയെ മര്ദ്ദിക്കുന്നത് കണ്ടിട്ടും മൗനം പാലിച്ചതും അരുണിന് രക്ഷപെടാന് അവസരമൊരുക്കിയതുമാണ് അമ്മ ചെയ്ത കുറ്റം. കേസില് മാപ്പു സാക്ഷിയാക്കണമെന്ന അമ്മയുടെ അപേക്ഷ പരിഗണിച്ച കോടതി അനുകൂലമായി തീരുമാനമെുക്കുകയായിരുന്നു