തൃപ്പൂണിത്തുറയില് 15 കാരന്റെ ആത്മഹത്യ ; സഹപാഠികളുടേയും സ്കൂള് അധികൃതരുടേയും മൊഴിയെടുക്കാന് പൊലീസ്


സംഭവത്തില് സംസ്ഥാന പൊലീസ് മേധാവിക്ക് കുട്ടിയുടെ കുടുംബം പരാതി നല്കിയിരുന്നു.
തൃപ്പൂണിത്തുറയില് 15 വയസ്സുകാരന് ഫ്ലാറ്റിന് മുകളില് നിന്ന് ചാടി മരിച്ച സംഭവത്തില് വിശദമായ മൊഴിയെടുക്കാന് പൊലീസ്. സഹപാഠികളില് നിന്നും ഗ്ലോബല് പബ്ലിക് സ്കൂള് അധികൃതരില് നിന്നും വിശദമായി മൊഴിയെടുക്കും. ഇക്കഴിഞ്ഞ ജനുവരി 15നാണ് മിഹിര് അഹമ്മദ് എന്ന വിദ്യാര്ത്ഥി തൃപ്പൂണിത്തുറയിലെ ഫ്ലാറ്റിന്റെ മുകളില് നിലയില് നിന്ന് ചാടി ആത്മഹത്യ ചെയ്തത്.
സ്കൂളിലെ സഹപാഠികളുടെ റാഗിങ്ങനെ തുടര്ന്നായിരുന്നു കുട്ടിയുടെ ആത്മഹത്യ എന്നാണ് കുടുംബത്തിന്റെ പരാതി. തൃക്കാക്കര എസിപിയുടെ നേതൃത്വത്തിലാണ് അന്വേഷണം.
സംഭവത്തില് സംസ്ഥാന പൊലീസ് മേധാവിക്ക് കുട്ടിയുടെ കുടുംബം പരാതി നല്കിയിരുന്നു. സ്കൂളില് മകന് ക്രൂരമായ ശാരീരിക മാനസിക പീഡനത്തിന് ഇരയായെന്ന് കാട്ടി കുട്ടിയുടെ അമ്മയാണ് പരാതി നല്കിയത്. ചില വിദ്യാര്ത്ഥികളില് മകന് നിന്ന് ക്രൂരമായ റാഗിങ്ങിന് വിധേയനായെന്നും കുടുംബം ആരോപിക്കുന്നു. തൃപ്പൂണിത്തുറ ചോയിസ് ടവറില് താമസിക്കുന്ന സരിന് രചന ദമ്പതികളുടെ മകന് മിഹിറാണ് ഫ്ലാറ്റിലെ 26-ാം നിലയില് നിന്ന് വീണ് തല്ക്ഷണം മരിച്ചത്. മുകളില് നിന്ന് വീണ കുട്ടി മൂന്നാം നിലയിലെ ഷീറ്റിട്ട ടെറസില് പതിക്കുകയായിരുന്നു. ഫയര്ഫോഴ്സ് എത്തിയാണ് മൃതദേഹം മാറ്റിയത്.
Tags

റോഡ് വികസനത്തിൻ്റെ പേരിൽ വ്യാപാരികളെ കുടിയൊഴിപ്പിക്കൽ ;ചക്കരക്കല്ലിൽ വ്യാപാരി വ്യവസായി ഏകോപന സമിതി പ്രതിഷേധയോഗം നാളെ
റോഡ് വികസനത്തിൻ്റെ പേരിൽ ചക്കരക്കൽ ടൗണിൽനൂറ് കണക്കിന് വ്യാപാരികളെ പെരുവഴിയിലാക്കുന്നതിനെതിരെ പ്രതിഷേധം ശക്തമാകുന്നു. ഇതിനായി നടത്തിയ സർവ്വേ പ്രകാരം ചക്കരക്കൽ നഗരത്തിലെ നിരവധി കടകളാണ് പൊളിച്ചു നീക്കേണ

കുംഭമേളസ്ഥലം സന്ദര്ശിക്കുകയോ സ്നാനം ചെയ്യുകയോ ചെയ്യാത്ത രാഹുല് ഗാന്ധി ഹിന്ദു സമൂഹത്തെയാകെ അപമാനിച്ചു : രാംദാസ് അത്താവാലെ
ഡല്ഹി: കുംഭമേളസ്ഥലം സന്ദര്ശിക്കുകയോ സ്നാനം ചെയ്യുകയോ ചെയ്യാത്ത പ്രതിപക്ഷ നേതാവ് രാഹുല് ഗാന്ധി ഹിന്ദു സമൂഹത്തെയാകെ അപമാനിച്ചെന്ന് കേന്ദ്രമന്ത്രി രാംദാസ് അത്താവാലെ. കുംഭമേളയില് പങ്കെടുക്കാത്ത രാഹുല