.jpg)
ജോർജ് കുര്യനടക്കം 12 പേർ രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ടു
ഡൽഹി: കേരളത്തിൽനിന്നുള്ള കേന്ദ്രമന്ത്രി ജോർജ് കുര്യനടക്കം 12 പേർ രാജ്യസഭയിലേക്ക് എതിരില്ലാതെ തിരഞ്ഞെടുക്കപ്പെട്ടു. ഒമ്പത് ബി.ജെ.പി. അംഗങ്ങളും എൻ.ഡി.എ. ഘടകകക്ഷികളായ എൻ.സി.പി, രാഷ്ട്രീയ ലോക് മഞ്ച് എന്നിവയിൽനിന്ന് ഒരോരുത്തരും ഒരു കോൺഗ്രസ് അംഗവുമാണ് രാജ്യസഭയിലേക്ക് എത്തുന്നത്.ഇതോടെ രാജ്യസഭയില് ബി.ജെ.പി. അംഗസംഖ്യ 96 ആയി. എന്.ഡി.എയുടെ അംഗനില 112-ലേക്ക് ഉയര്ന്നു. ഇതോടെ പ്രതിപക്ഷത്തിന്റെ അംഗസംഖ്യ 85 ആവും.
അസമില്നിന്ന് മിഷന് രഞ്ജന് ദാസ്, രാമേശ്വര് തേലി, ബിഹാറില്നിന്ന് മനന് കുമാര് മിശ്ര, ഹരിയാമയില്നിന്ന് കിരണ് ചൗധരി, മധ്യപ്രദേശില്നിന്ന് ജോര്ജ് കുര്യന്, മഹാരാഷ്ട്രയില്നിന്ന് ധിര്യ ശീല് പാട്ടീല്, ഒഡിഷയില്നിന്ന് മമത മൊഹന്ത, രാജസ്ഥാനില്നിന്ന് രവ്നീത് സിങ് ബിട്ടു, ത്രിപുരയില്നിന്ന് രാജീവ് ഭട്ടാചാര്യ എന്നിവരാണ് രാജ്യസഭയിലെത്തിയ ബി.ജെ.പി. അംഗങ്ങള്.
