സെപ്റ്റംബർ 8 ന് രാഹുൽ ​ഗാന്ധി യു.എസിലേക്ക്

ന്യൂഡൽഹി: പ്രതിപക്ഷ നേതാവായതിനു ശേഷമുള്ള ആദ്യ യുഎസ് സന്ദർശനത്തിനൊരുങ്ങി രാഹുൽ ​ഗാന്ധി. സെപ്റ്റംബർ 8 മുതൽ 10 വരെയായിരിക്കും സന്ദർശനം. സെപ്റ്റംബർ എട്ടിന് ടെക്‌സസിലെ ഡാളസിലും സെപ്റ്റംബർ 9, 10 തീയതികളിൽ വാഷിംഗ്ടൺ ഡിസിയിലും രാഹുൽ ഗാന്ധി എത്തും‌.

സന്ദർശന വേളയിൽ അക്കാദമിക് വിദഗ്ധർ, മാധ്യമ പ്രവർത്തകർ, സാങ്കേതിക വിദഗ്ധർ, വ്യവസായികൾ തുടങ്ങിയവരുമായി അദ്ദേഹം കൂടിക്കാഴ്ച നടത്തും. പ്രതിപക്ഷ നേതാവായ രാഹുൽ ​ഗാന്ധിയുമായി സംവദിക്കണമെന്ന് ആവശ്യം ഉയരുകയാണെന്നും ഇതിന്റെ പശ്ചാത്തലത്തിലാണ് സന്ദർശനമെന്നും ഇന്ത്യൻ ഓവർസീസ് കോൺ​ഗ്രസ് ചെയർമാൻ സാം പിത്രോഡ പറഞ്ഞു.