എന്ഡിഎയില് സമ്മര്ദ്ദം ; ജെഡിയുവും ടിഡിപിയും ആവശ്യങ്ങള് മുന്നോട്ട് വച്ചു
![modi](https://keralaonlinenews.com/static/c1e/client/94744/uploaded/2d33592a50e3cefb782c2ef9cd84f622.jpg?width=823&height=431&resizemode=4)
![modi](https://keralaonlinenews.com/static/c1e/client/94744/uploaded/2d33592a50e3cefb782c2ef9cd84f622.jpg?width=382&height=200&resizemode=4)
എന്ഡിഎയില് സമ്മര്ദ്ദം ശക്തമാക്കി ജെഡിയുവും ടിഡിപിയും അടക്കം കക്ഷികള്. പൊതുമിനിമം പരിപാടി വേണമെന്ന് ആവശ്യപ്പെട്ട ജെഡിയു, ജാതി സെന്സസ് നടപ്പാക്കണമെന്നും ആവശ്യപ്പെട്ടു. ടിഡിപിയും തങ്ങളുടെ ആവശ്യങ്ങള് മുന്നോട്ട് വച്ചിട്ടുണ്ട്. മൂന്നാം മോദി സര്ക്കാറിന്റെ സത്യപ്രതിജ്ഞ ശനിയാഴ്ച നടത്താനാണ് ബിജെപി നീക്കം. ബിജെപി എംപിമാരുടെ യോഗം ഇന്ന് ദില്ലിയില് ചേരും. പ്രധാന സഖ്യകക്ഷികളായ ടിഡിപിയുമായും ജെഡിയുവുമായും നേതാക്കള് ചര്ച്ച തുടങ്ങി.
മൂന്ന് പ്രധാന മന്ത്രാലയങ്ങളില് ജെഡിയു താത്പര്യം അറിയിച്ചിട്ടുണ്ട്. ടിഡിപി ലോക്സഭ സ്പീക്കര് പദവിയും ആന്ധ്രയ്ക്ക് പ്രത്യേക സംസ്ഥാന പദവി എന്നിവയ്ക്കൊപ്പം മൂന്ന് ക്യാബിനറ്റ് മന്ത്രിസ്ഥാനവും ചോദിക്കും. ധനകാര്യ സഹമന്ത്രി സ്ഥാനവും ചോദിക്കുമെന്നാണ് വിവരം.
എല്ജെപിയുടെ ചിരാഗ് പാസ്വാന് ഒരു ക്യാബിനറ്റ് പദവിയും ഒരു സഹമന്ത്രി സ്ഥാനവും ലക്ഷ്യമിടുന്നുണ്ട്. ശിവസേന ഷിന്ഡെ വിഭാഗം ഒരു ക്യാബിനറ്റ് പദവിയും രണ്ട് സഹമന്ത്രിമാരെയും ആവശ്യപ്പെട്ടിട്ടുണ്ട്. ജിതന് റാം മാഞ്ചി ഒരു ക്യാബിനറ്റ് പദവി ആവശ്യപ്പെടും.