ഒക്ടോബർ ആറിന് മറീന ബീച്ചിന് മുകളിൽ സൈനികാഭ്യാസത്തിനൊരുങ്ങി ഇന്ത്യൻ വ്യോമസേന

ചെന്നൈ : ചെന്നൈയിലെ മറീന ബീച്ചിന് മുകളിൽ സൈനികാഭ്യാസത്തിനൊരുങ്ങി ഇന്ത്യൻ വ്യോമസേന. ഇന്ത്യൻ വ്യോമസേനയുടെ 92മത് വാർഷികം പ്രമാണിച്ചാണ് ഒക്ടോബർ ആറിന് സൈനികാഭ്യാസം നടക്കുക. പ്രധാനമന്ത്രി നരേന്ദ്ര മോദി ഉൾപ്പെടെയുള്ളവർ ചടങ്ങിന് സാക്ഷ്യം വഹിക്കുമെന്നതിനാൽ കനത്ത സുരക്ഷയിലാണ് സൈനികാഭ്യാസം നടക്കുക.

ഇന്ത്യൻ വ്യോമസേനയുടെ കരുത്തായ റഫാല്‍ സുഖോയ്, തേജസ് ഉൾപ്പെടെയുള്ള യുദ്ധവിമാനങ്ങൾ സൈനികാഭ്യാസത്തിൻ്റെ ഭാഗമാകും. കരുത്തിൻ്റെ പ്രതീകമായ റഫാല്‍, സുഖോയ് -30 എംകെ, മിറാഷ് 2000, മിഗ് -29, ഇന്ത്യ തദ്ദേശീയമായി നിർമിച്ച തേജ യുദ്ധവിമാനങ്ങൾ ആകാശത്ത് കരുത്ത് തെളിയിക്കും. ഹെലികോപ്റ്ററായ Mi-17, HAL ലൈറ്റ് കോംബാറ്റ് (ലൈറ്റ് കോംബാറ്റ് ഹെലികോപ്റ്റർ) ഹെലികോപ്റ്റർ, Dakota, Harvard ഹെലികോപ്റ്ററുകളും ഇന്ത്യൻ വ്യോമസേനാ ദിനത്തിൽ അഭ്യാസത്തിനായി ചെന്നൈയിലെ മറീന ബീച്ചിൽ എത്തും.

സ്കൈ ഡൈവിങ് ഉൾപ്പെടെയുള്ള അഭ്യാസങ്ങൾ ഉണ്ടാകും. ഏരിയൽ കൊറിയോഗ്രാഫിക്ക് പേരുകേട്ട സാരംഗ് ഹെലികോപ്റ്റർ ഡിസ്പ്ലേ ടീമും പങ്കെടുക്കും. ഇന്ത്യയുടെ അത്യാധുനിക തദ്ദേശീയമായി നിർമിച്ച വ്യോമയാന സാങ്കേതികവിദ്യയെ പ്രതിനിധീകരിക്കുന്ന ലൈറ്റ് കോംബാറ്റ് എയർക്രാഫ്റ്റ് (എൽസിഎ) തേജസ്, ലൈറ്റ് കോംബാറ്റ് ഹെലികോപ്റ്റർ (എൽസിഎച്ച്) പ്രചന്ദ് എന്നിവയുൾപ്പെടെയുള്ള ഐഎഎഫിൻ്റെ ആധുനിക വിമാനങ്ങൾ ആകാശത്ത് വിസ്മയമൊരുക്കും.

ഒക്ടോബർ ആറിന് രാവിലെ 11 മണി മുതൽ ഉച്ചയ്ക്ക് 11.30വരെയാണ് സൈനികാഭ്യാസം. ഈ വർഷത്തെ ഇന്ത്യൻ വ്യോമസേനാ ദിനത്തിലെ പരിപാടികൾ സംബന്ധിച്ച് തമ്പരം എയർഫോഴ്സ് സ്റ്റേഷന്റെ ചുമതലയുള്ള എയർ കോമഡോറൂർ രതീഷ് കുമാർ വിവരങ്ങൾ പങ്കുവച്ചു.