ഐ.ബി.പി.എസിൽ സ്‌പെഷ്യലിസ്റ്റ് ഓഫീസർ ; അപേക്ഷ ക്ഷണിച്ചു

ഇന്‍സ്റ്റിറ്റ്യൂട്ട് ഓഫ് ബാങ്കിംഗ് പേഴ്‌സണല്‍ സെലക്ഷന്‍ (ഐ.ബി.പി.എസ്) സ്‌പെഷ്യലിസ്റ്റ് ഓഫീസര്‍ തസ്തികകളിലേക്ക് അപേക്ഷകള്‍ ക്ഷണിച്ചു. 896 ഒഴിവുകളാണുള്ളത്. ഓഗസ്റ്റ് 21 വരെ അപേക്ഷിക്കാന്‍ സമയമുണ്ട്. ഒക്ടോബറില്‍ അഡ്മിറ്റ് കാര്‍ഡുകള്‍ ലഭിക്കും. നവംബറിലാണ് പ്രിലിമനറി എക്‌സാം. 2024 നവംബര്‍ / ഡിസംബറോടെ ഫലം പ്രസിദ്ധീകരിക്കും.

ഡിസംബര്‍ 2024-ലാണ് മെയിന്‍സ് പരീക്ഷ. 2025 ജനുവരി/ ഫെബ്രുവരി മാസങ്ങളിലായി ഫലം പ്രസിദ്ധീകരിക്കും. ശേഷം ഫെബ്രുവരി / മാര്‍ച്ച് മാസങ്ങളിലായി അഭിമുഖം. പ്രായം- ഓഗസ്റ്റ് 1 2024 പ്രകാരം 20 വയസ്സില്‍ താഴെയോ 30 വയസ്സിന് മുകളിലുള്ളവരോ ആയിരിക്കരുത്. വിശദവിവരങ്ങൾ വെബ്സെെറ്റിൽ- https://ibps.in/

ഐബിപിഎസ്സിന്റെ ഔദ്യോഗിക വെബ്‌സൈറ്റ് സന്ദര്‍ശിക്കുക.സിആര്‍പി എസ്ഒ എന്ന ഹോംപേജിലെ ലിങ്ക് ക്ലിക്ക് ചെയ്യുക. ഐബിപിഎസ് പോര്‍ട്ടലില്‍ രജിസ്റ്റര്‍ ചെയ്യുക.ഫോം ഫില്‍ ചെയ്ത ശേഷം ഫീ അടയ്ക്കുക.പ്രിന്റ് ഔട്ടെടുത്ത് ഭാവി ആവശ്യങ്ങള്‍ക്കായി സൂക്ഷിക്കുക.