ഡൽഹിയിൽ കനത്ത മഴയ്ക്ക് സാധ്യത

ഡൽഹിയിൽ കനത്ത മഴ മുന്നറിയിപ്പ് പ്രഖ്യപിച്ചു. ഡൽഹി-എൻസിആറിൻ്റെ പല ഭാഗങ്ങളിലും നേരിയ മഴയും ചാറ്റൽമഴയും റിപ്പോർട്ട് ചെയ്തു. ദേശീയ തലസ്ഥാനമായ ഡൽഹിയിൽ കുറഞ്ഞ താപനില 12 ഡിഗ്രിയും കൂടിയ താപനില 20 ഡിഗ്രിയും രേഖപ്പെടുത്തിയതായി ഇന്ത്യൻ കാലാവസ്ഥാ വകുപ്പ് (ഐഎംഡി) അറിയിച്ചു.

വെള്ളി, ശനി ദിവസങ്ങളിൽ ഡൽഹിയിൽ ഇടിമിന്നലോട് കൂടിയ മഴയുണ്ടാകുമെന്ന് ഐഎംഡി മുന്നറിയിപ്പ് നൽകി. അതിശക്തമായ മഴയ്ക്ക് സാധ്യതയുള്ളതിനാൽ ഓറഞ്ച് അലർട്ട് പ്രഖ്യാപിച്ചു. ” വൈദ്യുത കമ്പിയിൽ തൊടുന്നത് ഒഴിവാക്കുക, വൈദ്യുത തൂണുകൾക്ക് സമീപം നിൽക്കരുത്, വൈദ്യുതി കടത്തിവിടുന്ന വസ്തുക്കളിൽ നിന്ന് അകന്ന് നിൽക്കുക,” എന്നിങ്ങനെ ജാഗ്രതാ നിര്‍ദ്ദേശം പ്രഖ്യാപിച്ചു.