റായ്ബറേലിയില്‍ മുന്‍ കോണ്‍ഗ്രസ് നേതാവിനെ ബിജെപി മത്സരിപ്പിച്ചേക്കുമെന്ന് സൂചന

google news
aditi

നെഹ്‌റു കുടുംബത്തിന്റെ വിശ്വസ്ത മണ്ഡലമായ റായ്ബറേലിയില്‍ മുന്‍ കോണ്‍ഗ്രസ് നേതാവിനെ ബിജെപി മത്സരിപ്പിച്ചേക്കുമെന്ന് സൂചന. നെഹ്‌റു കുടുംബത്തിന്റെ വിശ്വസ്തനായിരുന്ന അഖിലേഷ് സിംഗിന്റെ മകള്‍ അദിതി സിംഗിന്റെ പേരാണ് ഉയര്‍ന്ന് കേള്‍ക്കുന്നത്. മുന്‍ കോണ്‍ഗ്രസ് അംഗം കൂടിയായ അദിതി സിംഗ്
നിലവില്‍ റായ്ബറേലിയില്‍ നിന്നുള്ള ബിജെപി എംഎല്‍എയാണ്. സോണിയാ ഗാന്ധിയാണ് നിലവില്‍ റായ്ബറേലി എംപി.

അഞ്ച് തവണ എംഎല്‍എയായ കോണ്‍ഗ്രസ് നേതാവ് അഖിലേഷ് സിംഗിന്റെ മകളാണ് അദിതി സിംഗ്. 2017ലെ നിയമസഭാ തെരഞ്ഞെടുപ്പില്‍ റായ്ബറേലിയിലെ സദര്‍ സീറ്റില്‍ നിന്ന വിജയിച്ച് ആദ്യമായി നിയമസഭാംഗമായി. അഖിലേഷ് സിംഗിന്റെ മരണശേഷം അദിതി ബിജെപിയിലേക്ക് ചായാന്‍ തുടങ്ങി. ഉത്തര്‍പ്രദേശ് നിയമസഭാ തെരഞ്ഞെടുപ്പിന് മുമ്പ് അദിതി ബിജെപിയില്‍ ചേര്‍ന്നു. രാഹുല്‍ ഗാന്ധിയുമായി അടുത്ത ബന്ധമുള്ള നേതാവായിരുന്നു അദിതി സിംഗ്.

Tags