ബം​ഗ​ളൂ​രുവിൽ തെരുവുനായകളുടെ കടിയേറ്റ് വ​യോ​ധി​ക​യ്ക്ക് ദാരുണാന്ത്യം

ബം​ഗ​ളൂ​രു : പ്ര​ഭാ​ത സ​വാ​രി​ക്കി​റ​ങ്ങി​യ വ​യോ​ധി​ക​യെ തെ​രു​വു​നാ​യ്ക്ക​ൾ കൂ​ട്ട​മാ​യി ആ​ക്ര​മി​ച്ചു കൊ​ല​പ്പെ​ടു​ത്തി. ബി​ഹാ​ർ സ്വ​ദേ​ശി​നി​യും റി​ട്ട​യേ​ഡ് അ​ധ്യാ​പി​ക​യു​മാ​യ ര​ജ​ദു​ല​രി സി​ൻ​ഹ (76) ആ​ണ് കൊ​ല്ല​പ്പെ​ട്ട​ത്.

ജാ​ല​ഹ​ള്ളി വി​ദ്യാ​ര​ണ്യ​പു​ര​യി​ലെ എ​യ​ർ​ഫോ​ഴ്സ് ഈ​സ്റ്റ് സെ​വ​ൻ​ത് റെ​സി​ഡ​ൻ​ഷ്യ​ൽ ക്യാ​മ്പി​ലെ മൈ​താ​ന​ത്ത് ബു​ധ​നാ​ഴ്ച പു​ല​ർ​ച്ച 6.30നാ​ണ് സം​ഭ​വം. ത​ല​യി​ലും കൈ​ക്കും മു​ഖ​ത്തും ക​ഴു​ത്തി​നും കാ​ലി​നു​മെ​ല്ലാം ക​ടി​യേ​റ്റി​ട്ടു​ണ്ട്.

അ​സ്വാ​ഭാ​വി​ക മ​ര​ണ​ത്തി​ന് ഗം​ഗ​മ്മ​ഗു​ഡി പൊ​ലീ​സ് കേ​സ് ര​ജി​സ്റ്റ​ർ ചെ​യ്തു. കൊ​ല്ല​പ്പെ​ട്ട ര​ജ​ദു​ല​രി സി​ൻ​ഹ​യു​ടെ മ​രു​മ​ക​ൻ സൈ​നി​ക​നാ​ണ്. ഏ​താ​നും ദി​വ​സം മു​മ്പാ​ണ് മ​ക​ളെ​യും മ​രു​മ​ക​നെ​യും കാ​ണാ​നാ​യി ഇ​വ​ർ ബം​ഗ​ളൂ​രു​വി​ലെ​ത്തി​യ​ത്. ആ​ശു​പ​ത്രി​യി​ലെ​ത്തി​ച്ചെ​ങ്കി​ലും വ​ഴി​മ​ധ്യേ മ​രി​ക്കു​ക​യാ​യി​രു​ന്നു.

പ​ത്തി​ലേ​റെ നാ​യ്ക്ക​ളു​ടെ സം​ഘ​മാ​ണ് ആ​ക്ര​മി​ച്ച​തെ​ന്ന് ദൃ​ക്സാ​ക്ഷി​യാ​യ ഹ​രി​കൃ​ഷ്ണ​ൻ എ​ക്സി​ൽ കു​റി​ച്ചു. താ​നും കു​ടും​ബ​വും ഒ​ച്ച​വെ​ച്ച് നാ​യ്ക്കൂ​ട്ട​ത്തെ ത​ട​യാ​ൻ ശ്ര​മി​ച്ചു. എ​ന്നാ​ൽ, വ​ലി​യ മ​തി​ലി​ന​പ്പു​റ​മാ​യി​രു​ന്ന​തി​നാ​ൽ നേ​രി​ട്ട് ഇ​ട​പെ​ടാ​നാ​യി​ല്ലെ​ന്നും മൈ​താ​ന​ത്ത് ആ​ളു​ക​ൾ ഓ​ടി​ക്കൂ​ടി ആ​ശു​പ​ത്രി​യി​ൽ കൊ​ണ്ടു​പോ​യെ​ങ്കി​ലും ഫ​ല​മു​ണ്ടാ​യി​ല്ലെ​ന്നും അ​ദ്ദേ​ഹം പ​റ​ഞ്ഞു. സം​ഭ​വ​ത്തി​നു ശേ​ഷം സ​ന്ന​ദ്ധ സം​ഘ​ട​ന​യു​ടെ വ​ള​ന്റി​യ​ർ​മാ​രെ​ത്തി തെ​രു​വു​നാ​യ്ക്ക​ളെ പി​ടി​കൂ​ടാ​ൻ ആ​രം​ഭി​ച്ചി​ട്ടു​ണ്ട്.