പ്രജ്വൽ രേവണ്ണക്കെതിരെ ഒരു ബലാത്സംഗ കേസ് കൂടി രജിസ്റ്റര് ചെയ്തു
![prajul](https://keralaonlinenews.com/static/c1e/client/94744/uploaded/486332cff0a208df96b85ebb855bbb5b.jpg?width=823&height=431&resizemode=4)
![prajul](https://keralaonlinenews.com/static/c1e/client/94744/uploaded/486332cff0a208df96b85ebb855bbb5b.jpg?width=382&height=200&resizemode=4)
ബംഗളൂരു: ജെ.ഡി.എസ് എം.പിയും ഹാസനിലെ ലോക്സഭ തെരഞ്ഞെടുപ്പ് സ്ഥാനാർഥിയുമായ പ്രജ്വൽ രേവണ്ണക്കെതിരെ ഒരു ബലാത്സംഗ കേസ് കൂടി രജിസ്റ്റർ ചെയ്തു.
ഇതോടെ കേസുകളുടെ എണ്ണം മൂന്നായി. അന്വേഷണത്തിനായി രൂപവത്കരിച്ച പ്രത്യേക അന്വേഷണ സംഘമാണ് ബംഗളൂരുവിൽ പ്രജ്വലിനെതിരെ എഫ്.ഐ.ആർരജിസ്റ്റർ ചെയ്തത്.
ഐ.പി.സി 376(2), 376(2) (കെ), 354 (എ), 354 (ബി),354 (സി), 506 എന്നീ വകുപ്പുകൾ പ്രകാരമാണ് കേസെടുത്തിരിക്കുന്നത്. ആവർത്തിച്ചുള്ള ബലാത്സംഗം, വോയറിസം, ലൈംഗിക ചിത്രീകരണം, വസ്ത്രംകൊണ്ട് വലിച്ചിഴക്കൽ, പീഡിപ്പിക്കൽ, ഭീഷണിപ്പെടുത്തൽ എന്നിവയുമായി ബന്ധപ്പെട്ട വകുപ്പുകളാണ് ചുമത്തിയിരിക്കുന്നത്.