ഗുജറാത്തിൽ ഒരു കോൺഗ്രസ് നേതാവ് കൂടി ബിജെപിയിലേക്ക്
Nov 22, 2022, 18:44 IST
അഹമ്മദാബാദ്: ഗുജറാത്തിൽ ഒരു കോൺഗ്രസ് നേതാവ് കൂടി ബിജെപിയിൽ അംഗത്വമെടുത്തു. ദഹേഗാം മണ്ഡലത്തിലെ മുൻ എംഎൽഎയായ കാമിനി റാത്തോഡാണ് ബിജെപിയിലേക്ക് മാറിയത്.2012-ൽ 2297 വോട്ടിന്റെ ഭൂരിപക്ഷത്തിൽ വിജയിച്ച റാത്തോഡ് 2017-ലെ തെരഞ്ഞെടുപ്പിൽ ബിജെപിയിൽ ബാൽരാജ്സിൻഹ് ചൗഹാനോട് പരാജയപ്പെട്ടിരുന്നു.
നിയമസഭാ തെരഞ്ഞെടുപ്പിൽ സീറ്റ് ലഭിക്കാനായി ഗുജറാത്ത് പിസിസി പ്രസിഡന്റ് ജഗദീഷ് ഠാക്കൂർ ഒരു കോടി രൂപ ആവശ്യപ്പെട്ടെന്ന് റാത്തോഡ് ആരോപിച്ചിരുന്നു. ഇതിന് പിന്നാലെയാണ് പാർട്ടിമാറ്റ തീരുമാനം പ്രഖ്യാപിച്ചത്.