ആസാമിലെ കാർബി അംഗ്ലോംഗ് ജില്ലയിൽ വൻ തീപിടത്തം : ആളപായമില്ല
Nov 23, 2022, 18:41 IST
ഗോഹട്ടി: ആസാമിലെ കാർബി അംഗ്ലോംഗ് ജില്ലയിൽ വൻ തീപിടത്തം. ഷോർട്ട് സർക്യൂട്ട് മൂലം ഒരു കടയിലുണ്ടായ തീപ്പൊരി മറ്റ് കെട്ടിടങ്ങളിലേക്ക് പടരുകയായിരുന്നു.സംഭവത്തിൽ ആളപായം റിപ്പോർട്ട് ചെയ്തിട്ടില്ല. അതേസമയം നിരവധി വീടുകളും കടകളും കത്തി നശിച്ചു.
നാഗാലൻഡ് അതിർത്തിയോട് ചേർന്നുള്ള ബോക്കാജൻ മേഖലയിലെ ലഹോരിജൻ ഗ്രാമത്തിലാണ് സംഭവം. നിരവധി പാചകവാതക സിലിണ്ടറുകൾ തീപിടത്തത്തിൽ പൊട്ടിത്തെറിച്ചതായും വാഹനങ്ങൾ നശിച്ചതായും അധികൃതർ അറിയിച്ചു.അഗ്നിരക്ഷാ സേന തീ അണയ്ക്കാനുള്ള ശ്രമം തുടരുകയാണ്.