.jpg)
ഫാറ്റി ലിവര്‍ സാധ്യത കൂട്ടുന്ന ഈ മൂന്ന് പാനീയങ്ങൾ ഒഴിവാക്കൂ
ഫാറ്റി ലിവര്‍ രോഗ സാധ്യതയെ തടയാന്‍ പ്രോസസിഡ് ഭക്ഷണങ്ങള്‍, റെഡ് മീറ്റ്, സംസ്കരിച്ച ഇറച്ചി വിഭവങ്ങൾ, ജങ്ക് ഫുഡ്, മധുരം ധാരാളം അടങ്ങിയ ഭക്ഷണങ്ങള്‍ തുടങ്ങിയവ പരമാവധി ഒഴിവാക്കുക.കൂടാതെ ഈ പാനീയങ്ങളും ഫാറ്റി ലിവർ രോഗത്തെ തടയാന്‍ നിർബന്ധമായും ഒഴിവാക്കേണ്ടതാണ് .
1. സോഡ
സോഡ പോലെയുള്ള മധുരമുള്ള ശീതളപാനീയങ്ങൾ പതിവായി ഉപയോഗിക്കുന്നത് കരളിന്‍റെ ആരോഗ്യത്തിന് നന്നല്ല. സോഡകളിൽ പഞ്ചസാര ചേർത്തിട്ടുണ്ട്, ഇത് ഇൻസുലിൻ പ്രതിരോധം വർദ്ധിപ്പിക്കുന്നതിന് കാരണമാകും, ഇത് ഫാറ്റി ലിവറിനും കാരണമാകുമെന്ന് ഡോ. സൗരഭ് സേഥി പറയുന്നു.
2. മദ്യം
അമിത മദ്യപാനം കരളിന്‍റെ ആരോഗ്യം നശിപ്പിക്കുമെന്ന് എല്ലാവര്‍ക്കും അറിയാം. ഇവ ഫാറ്റി ലിവര്‍ രോഗത്തിനും കാരണമാകും. അതിനാല്‍ മദ്യപാനം പരമാവധി കുറയ്ക്കുക.
3. എനർജി ഡ്രിങ്കുകള്‍
സ്‌പോർട്‌സ് ഡ്രിങ്കുകൾ, എനർജി ഡ്രിങ്കുകൾ എന്നിവയിൽ പഞ്ചസാരയുടെ അംശം കൂടുതലാണ്. ഇതും ഫാറ്റി ലിവര്‍ സാധ്യതെ കൂട്ടാം എന്നാണ് ഡോ. സേഥി പറയുന്നത്. പകരം കോഫി തിരഞ്ഞെടുക്കാനും ഡോക്ടർ നിർദ്ദേശിക്കുന്നു.
