ഈ ഭക്ഷണങ്ങൾ കഴിക്കുന്നത് നിങ്ങളുടെ എല്ലുകളുടെ ബലം കുറയ്ക്കും...

അസ്ഥികളുടെ ആരോ​ഗ്യം വളരെ പ്രധാനപ്പെട്ട ഒന്നാണ്. ബോൺ മിനറൽ ഡെൻസിറ്റി (Bone mineral density) എന്നത് ഒരു വ്യക്തിയുടെ അസ്ഥികളിൽ അടങ്ങിയിരിക്കുന്ന ധാതുക്കളുടെ പ്രധാനമായും കാൽസ്യം, ഫോസ്ഫറസ് എന്നിവയുടെ അളവിനെ സൂചിപ്പിക്കുന്നു. ഉയർന്ന ബിഎംഡി ശക്തവും സാന്ദ്രവുമായ അസ്ഥികളെ സൂചിപ്പിക്കുന്നു. അതേസമയം താഴ്ന്ന ബിഎംഡി ഒടിവുകളുടെയും ഓസ്റ്റിയോപൊറോസിസിൻ്റെയും സാധ്യതയെ സൂചിപ്പിക്കുന്നു.

ഭക്ഷണക്രമം അസ്ഥി ധാതുക്കളുടെ സാന്ദ്രതയെ ബാധിക്കും. കാൽസ്യം, വൈറ്റമിൻ ഡി, പ്രോട്ടീൻ തുടങ്ങിയ പ്രധാന പോഷകങ്ങൾ അടങ്ങിയഭക്ഷണങ്ങൾ കഴിക്കുന്നത് ആരോഗ്യകരമായ അസ്ഥികളുടെ വളർച്ചയ്ക്ക് പ്രധാനമാണ്.

കാൽസ്യം, വിറ്റാമിൻ ഡി, പ്രോട്ടീൻ എന്നിവ കുറഞ്ഞ ഭക്ഷണക്രമം കുറഞ്ഞ ബിഎംഡിക്ക് കാരണമാകുകയും ഓസ്റ്റിയോപൊറോസിസ് വികസിപ്പിക്കാനുള്ള സാധ്യത വർദ്ധിപ്പിക്കുകയും ചെയ്യും. മറ്റ് ഭക്ഷണ ഘടകങ്ങൾ ബിഎംഡിയെ ബാധിക്കും. അസ്ഥികളുടെ ആരോ​ഗ്യത്തെ ബാധിക്കുന്ന ചില ഭക്ഷണങ്ങൾ...

ഒന്ന്...

സോഡ പ്രത്യേകിച്ച് കോളയുടെ പതിവ് ഉപഭോഗം ‍അസ്ഥികളുടെ ആരോ​ഗ്യത്തെ ബാധിക്കാം. കാരണം ഇതിലെ ഉയർന്ന ഫോസ്ഫോറിക് ആസിഡിൻ്റെ ഉള്ളടക്കം താഴ്ന്ന അസ്ഥി ധാതുക്കളുടെ സാന്ദ്രതയുമായി ബന്ധപ്പെട്ടിരിക്കുന്നു. ഇത് കാൽസ്യം ആഗിരണത്തെ തടസ്സപ്പെടുത്തുന്നു. വെള്ളം, ഹെർബൽ ടീ അല്ലെങ്കിൽ മധുരമില്ലാത്ത പാനീയങ്ങൾ ഇതിൽ ഉൾപ്പെടുന്നു.

രണ്ട്...

ഉയർന്ന സോഡിയം കഴിക്കുന്നത് മൂത്രത്തിലൂടെ കാൽസ്യം പുറന്തള്ളുന്നത് വർദ്ധിപ്പിക്കും. ഇത് അസ്ഥികളുടെ സാന്ദ്രത കുറയുന്നതിന് കാരണമാകുന്നു. സംസ്കരിച്ച ഭക്ഷണങ്ങൾ കഴിക്കുന്നത് ഒഴിവാക്കുക.

മൂന്ന്...

കാപ്പി, എനർജി ഡ്രിങ്കുകൾ അല്ലെങ്കിൽ ചില ചായകളിൽ നിന്നുള്ള അമിതമായ കഫീൻ ഉപഭോഗം കാൽസ്യം ആഗിരണം കുറയ്ക്കുകയും കാൽസ്യം വിസർജ്ജനം വർദ്ധിപ്പിക്കുകയും ചെയ്യും.

നാല്...

അമിതമായ മദ്യപാനം കാൽസ്യം സന്തുലിതാവസ്ഥയെ തടസ്സപ്പെടുത്തുകയും അസ്ഥികളുടെ രൂപവത്കരണത്തെ തടസ്സപ്പെടുത്തുകയും ഓസ്റ്റിയോപൊറോസിസ് സാധ്യത വർദ്ധിപ്പിക്കുകയും ചെയ്യും.

അഞ്ച്...

ഉയർന്ന പഞ്ചസാരയുള്ള ഭക്ഷണക്രമം വീക്കം വർദ്ധിപ്പിക്കുകയും അസ്ഥികളുടെ ആരോഗ്യത്തെ പ്രതികൂലമായി ബാധിക്കുകയും ചെയ്യും. സംസ്കരിച്ച മധുരപലഹാരങ്ങൾക്ക് പകരം പഴങ്ങൾ കഴിക്കുക.‌

ആറ്...

സംസ്കരിച്ച മാംസങ്ങളായ ബേക്കൺ, സോസേജുകൾ എന്നിവയിൽ പലപ്പോഴും ഉയർന്ന അളവിൽ സോഡിയം, പ്രിസർവേറ്റീവുകൾ, അനാരോഗ്യകരമായ കൊഴുപ്പുകൾ എന്നിവ അടങ്ങിയിട്ടുണ്ട്. ഇത് അസ്ഥികളുടെ ആരോ​ഗ്യത്തെ ബാധിക്കാം.

ഏഴ്...

പാലുൽപ്പന്നങ്ങൾ സാധാരണയായി എല്ലുകളുടെ ആരോഗ്യത്തിന് ഗുണകരമാണെന്ന് കണക്കാക്കപ്പെടുന്നുണ്ടെങ്കിലും ഉയർന്ന കൊഴുപ്പുള്ള പാലുൽപ്പന്നങ്ങൾ അമിതമായി കഴിക്കുന്നത് അമിതമായ പൂരിത കൊഴുപ്പുകൾ അടി‍ഞ്ഞ് കൂടുന്നതിന് കാരണമാകും. ഇത് അസ്ഥികളെ ബാധിക്കാം.  

എട്ട്...

അമിതമായ മദ്യപാനം ഹോർമോൺ സന്തുലിതാവസ്ഥയെ തടസ്സപ്പെടുത്തുകയും എല്ലുകളുടെ ആരോഗ്യത്തെ കാര്യമായി ബാധിക്കാം.