'സെക്സ് ഡ്രൈവ്' വര്‍ധിപ്പിക്കാൻ സഹായിക്കുന്ന ഭക്ഷണങ്ങള്‍ ഇതാ..

ലൈംഗികതയുമായി ബന്ധപ്പെട്ട പ്രശ്നങ്ങളിലും ഡയറ്റിന് വലിയ പ്രാധാന്യമാണുള്ളത്. അത്തരത്തില്‍ ലൈംഗിക താല്‍പര്യം അഥവാ 'സെക്സ് ഡ്രൈവ്'  വര്‍ധിപ്പിക്കാൻ സഹായിക്കുന്ന ചില ഭക്ഷണങ്ങളെ കുറിച്ചാണിനി പങ്കുവയ്ക്കാനുള്ളത്. 

. ഡാര്‍ക് ചോക്ലേറ്റ് ആണ് ഈ പട്ടികയില്‍ ഒന്നാമതായി വരുന്നത്. ഇതിലടങ്ങിയിരിക്കുന്ന 'phenylethylamine' എന്ന ഘടകമാണ് ഇതിന് സഹായകമാകുന്നത്. 

. മത്തന്‍ കുരു കഴിക്കുന്നതും ലൈംഗിക താല്‍പര്യം വര്‍ധിപ്പിക്കാന്‍ സഹായിക്കുന്നു. ഒരുപാട് ആരോഗ്യഗുണങ്ങളുള്ള ഭക്ഷണമാണ് മത്തന്‍ കുരു. ഇതിലടങ്ങിയിരിക്കുന്ന സിങ്ക് ആണ് സെക്സ് ഡ്രൈവ് വര്‍ധിപ്പിക്കാൻ സഹായിക്കുന്നത്. 

. പലയിടത്തും നിങ്ങള്‍ വായിച്ചും പറഞ്ഞുകേട്ടും പരിചയമുള്ളതായിരിക്കും തണ്ണിമത്തന്‍ കഴിച്ചാല്‍ ലൈംഗികതാല്‍പര്യം കൂടുമെന്നത്. ഇതും സത്യമാണ്. തണ്ണിമത്തനാണ് ഈ പട്ടികയില്‍ വരുന്ന മറ്റൊരു ഭക്ഷണം. 

. നേന്ത്രപ്പഴവും ലൈംഗികതാല്‍പര്യം വര്‍ധിപ്പിക്കുന്നതിന് സഹായകമായ ഭക്ഷണമാണ്. ഈര്‍ജ്ജം കൂട്ടുന്നതിനും സെക്സ് ഹോര്‍മോണായ ടെസ്റ്റോസ്റ്റിറോണ്‍ കൂട്ടുന്നതിനുമെല്ലാം ഇത് സഹായിക്കുന്നു. 

. കാപ്സിക്കവും ലൈംഗികതാല്‍പര്യം വര്‍ധിപ്പിക്കാന്‍ നല്ലതാണ്. പ്രത്യേകിച്ച് സ്ത്രീകള്‍ക്കാണ് ഇത് കൂടുതല്‍ അനുയോജ്യം. 

. സ്ട്രോബെറി പഴവും സെക്സ് ഡ്രൈവ്  ( Sex Drive ) വര്‍ധിപ്പിക്കാൻ സഹായിക്കുന്ന ഭക്ഷണം തന്നെ. ഇതിലടങ്ങിയിരിക്കുന്ന പൊട്ടാസ്യം, മഗ്നീഷ്യം, വൈറ്റമിന്‍-സി, സിങ്ക് എന്നിങ്ങനെ പല ഘടകങ്ങളും ഇതിനായി സഹായിക്കുന്നു. 

. ഒരുപാട് ആരോഗ്യഗുണങ്ങളുള്ളൊരു ( Health and Diet ) പച്ചക്കറിയാണ് ബീറ്റ്റൂട്ട്. ഇതും സെക്സ് ഡ്രൈവ് വര്‍ധിപ്പിക്കാന്‍ സഹായിക്കും. ഇതിലടങ്ങിയിരിക്കുന്ന പൊട്ടാസ്യം, നൈട്രേറ്റ് എന്നിവയാണ് ഇതിന് സഹായകമാകുന്നത്.