ചുട്ടുപൊള്ളുന്ന ചൂടില് ശര്ക്കര ഡയറ്റില് ഉള്പ്പെടുത്തണമെന്ന് പറയുന്നതിന്റെ കാരണം...
![jaggery](https://keralaonlinenews.com/static/c1e/client/94744/uploaded/dc09ddec617838eb62465949383bb922.jpg?width=823&height=431&resizemode=4)
![jaggery](https://keralaonlinenews.com/static/c1e/client/94744/uploaded/dc09ddec617838eb62465949383bb922.jpg?width=382&height=200&resizemode=4)
പഞ്ചസാരയ്ക്ക് പകരം ഉപയോഗിക്കാവുന്ന ഒരു മികച്ച പ്രകൃതിദത്ത മധുരമാണ് ശര്ക്കര. നിരവധി ആരോഗ്യ ഗുണങ്ങളും ഇവയ്ക്കുണ്ട്. അയേണ്, പൊട്ടാസ്യം, കാത്സ്യം, സിങ്ക്, ഫോസ്ഫറസ്, കോപ്പര്, മഗ്നീഷ്യം തുടങ്ങിയവ ശര്ക്കരയില് ധാരാളമായി അടങ്ങിയിട്ടുണ്ട്.
വേനൽക്കാലത്ത് ശർക്കര ഡയറ്റില് ഉള്പ്പെടുത്തുന്നത് നല്ലതാണെന്ന് മുംബൈയിലെ സർ എച്ച്എൻ റിലയൻസ് ഫൗണ്ടേഷൻ ഹോസ്പിറ്റലിലെ ക്ലിനിക്കൽ ഡയറ്റീഷ്യൻ ഡോ.വേദിക പ്രേമാനി പറയുന്നത്. ശർക്കരയിൽ പൊട്ടാസ്യം, മഗ്നീഷ്യം, സോഡിയം തുടങ്ങിയ ഇലക്ട്രോലൈറ്റുകൾ അടങ്ങിയിട്ടുണ്ട്. ശരീരത്തിലെ ദ്രാവക സന്തുലിതാവസ്ഥ നിലനിർത്തുന്നതിനും ശരീരത്തെ തണുപ്പിക്കാനും നിർജ്ജലീകരണം തടയുന്നതിനും ഇവ സഹായിക്കും. ശരീര താപനില നിയന്ത്രിക്കാനും ചൂടുള്ള കാലാവസ്ഥയിൽ ശരീരം തണുക്കാനും ശർക്കര കഴിക്കുന്നത് നല്ലതാണെന്നും ഡോ.വേദിക പറയുന്നു.
കാത്സ്യവും അയേണും മറ്റും അടങ്ങിയ ശര്ക്കര കഴിക്കുന്നത് എല്ലുകളുടെ ആരോഗ്യത്തിനും നല്ലതാണ്. ദഹനം മെച്ചപ്പെടുത്താനും മലബന്ധത്തെ തടയാനും ഡയറ്റില് ശര്ക്കര ഡയറ്റില് ഉള്പ്പെടുത്തുന്നത് നല്ലതാണ്. ഇരുമ്പ്, ഫോളേറ്റ് എന്നിവയാല് സമ്പന്നമായ ശര്ക്കര കഴിക്കുന്നത് അയേണിന്റെ കുറവിനെ പരിഹരിക്കാനും വിളര്ച്ചയെ തടയാനും സഹായിക്കും. ആന്റി ഓക്സിഡന്റുകള് ധാരാളം അടങ്ങിയ ശര്ക്കര ഡയറ്റില് ഉള്പ്പെടുത്തുന്നത് രോഗ പ്രതിരോധശേഷി കൂട്ടാനും സഹായിക്കും.
പൊട്ടാസ്യവും സോഡിയവും ധാരാളം അടങ്ങിയിട്ടുള്ളതിനാല് ചെറുചൂടുവെള്ളത്തില് ശര്ക്കര ചേര്ത്ത് കുടിക്കുന്നത് രക്തസമ്മര്ദ്ദത്തെ നിയന്ത്രിക്കാനും സഹായിക്കും. വണ്ണം കുറയ്ക്കാന് ആഗ്രഹിക്കുന്നവര്ക്കും ശർക്കര ഡയറ്റില് ഉള്പ്പെടുത്താം. ഇതിലടങ്ങിയിരിക്കുന്ന പൊട്ടാസ്യം ഇലക്ട്രോലൈറ്റിനെ ബാലൻസു ചെയ്യുന്നതോടൊപ്പം മെറ്റാബോളിസത്തിന്റെ നിരക്ക് കൂട്ടുന്നു. അങ്ങനെ ശരീരഭാരം കുറയുന്നു.
![](https://keralaonlinenews.com/static/c1e/static/themes/11/94744/4170/images/E-PLANET-ROAYAL-AND-DINESH-AD--1-.webp)
ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില് മാറ്റം വരുത്തുക.